ܡܩܪܒܐ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ، ܗܘܢܝ̈ܐ ܘܒܪ̈ܟܝܬܐ ܠܝܗܠܐ ܕܒܝܬ ܣܡܟܐ ܕܩܪܩܘܫ ܐܬܠܝܛܝܐ ܕܓܘܕܬܐ ܛܝܣܬܐ، ܒܦܘܪܣܐ ܕܩܢܝܬܗ ܕܪܓܼܐ ܩܕܡܝܐ ܒܟܘܢܝܐ ܕܟܙܝܪܘܬܐ ܕܥܠܝܡ̈ܬܐ ܕܥܝܪܩ ܬ̄ܚܘܬ (20 ܫܢ̈ܐ)، ܒܬܪ ܩܪܡܬܗ ܥܠ ܗܟܼܘܬܗ ܐܦܪܘܕܝܬ، ܒܡܘܪܝܐ ܕܟܡ ܟܦܫܠܗܘܢ ܒܚܕܕܐ، ܓܘ ܐܘܢܐ ܕܒܝܬ ܣܡܟܐ ܕܣܘܠܐܦ ܐܬܠܝܛܝܐ ܓܘ ܗܘܦܪܟܝܐ ܕܟܪܟܘܟ.
ܘܒܗܢ ܦܘܪܣܐ، ܡܩܪܒܐ ܡܕܒܪܢܘܬܐ ܓܘܢܝܬܐ ܒܦܪܨܘܦܐ ܕܡܕܒܪܢܗܿ ܓܘܢܝܐ ܘܟܕܝܪ̈ܗܿ ܘܫܕܬܢ̈ܗܿ، ܗܘܢܝ̈ܐ ܘܒܪ̈ܟܝܬܐ ܠܪܫܐ ܘܗܕܡ̈ܐ ܕܓܘܫܡܐ ܡܕܒܪܢܝܐ ܘܠܝܗܠܐ ܕܥܠܝܡ̈ܬܐ ܕܒܝܬ ܣܡܟܐ ܕܩܪܩܘܫ ܐܬܠܝܛܝܐ ܕܓܘܕܬܐ ܛܝܣܬܐ ܒܐܣܟܝܡܐ ܕܝܠܢܝܐ، ܘܡܛܘܝܡܢܝܗܝ ܒܝܬ ܥܕܢܐ ܠܥܡܠ̈ܐ ܕܟܕܝܪܐ ܕܪܫܘܬܢܝܐ ܘܡܕܒܪܢܝܐ ܕܒܝܬ ܣܡܟܐ ܥܠ ܗܢ ܦܠܛܐ ܚܫܝܚܐ، ܗܘ ܕܐ̄ܬܝܠܗ ܒܥܠܬܐ ܕܫܗܘܐ ܘܨܒܝܢܐ ܕܥܠܝܡ̈ܬܐ ܕܝܗܠܐ، ܘܗܘ ܝܠܗ ܚܕ ܫܘܒܗܪܐ ܚܕܬܐ ܦܝܫ ܡܘܙܝܕܐ ܠܣܓܠܐ ܕܒܢܝ̈ ܥܡܢ ܓܘ ܫܛܚ̈ܐ ܐܬܠܝܛܝ̈ܐ، ܘܒܥܐܠܝܗܝ ܠܝܗܝ ܙܘܕܐ ܡܢ ܢܨܝܚܘܬܐ ܘܡܢܬܝܬܐ ܒܡܘܪ̈ܝܐ ܐܬܝܢ̈ܐ، ܕܘܟܬܢܝ̈ܐ ܘܬܒܝܠܝ̈ܐ.
