ܡܩܪܒܐ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܦܪܨܘܦܐ ܕܡܕܒܪܢܗܿ ܓܘܢܝܐ ܘܟܕܝܪ̈ܗܿ ܘܕܫܕܬܢ̈ܗܿ، ܗܘܢܝ̈ܐ ܘܒܪ̈ܟܝܬܐ ܠܓܠܝܘܢܝܐ ܒܨܘܝܐ ܘܚܦܝܛܐ ܐ̄ܢܫܝܐ، ܗܘ ܝܠܗ ܫܟܝܢܐ ܒܥܕܢܐ ܩܐܡܝܐ ܓܘ ܣܘܝܕ، (ܢܘܪܝ ܟܝܢܘ)، ܒܬܪ ܩܪܡܬܗ ܒܕܫܢܐ ܕܟܐܦܝܐܬܢ ܠܫܢ̄ܬܐ ܕ 2025، ܡܝܩܪܢܘܬܐ ܠܥܡܠ̈ܗ ܒܣܢܕܬܐ ܕܟܢܘܫܝ̈ܬܐ ܪ̈ܕܝܦܐ ܘܡܘܪ̈ܚܩܐ ܚܕܪ̈ܘܢܐ ܕܬܒܝܠ.
ܘܕܥܪ ܫܪܫܐ ܕ(ܟܝܢܘ) ܡܢ ܒܝܬܘܬܐ ܓܘܣܢܬܐ ܡܢ ܒܢܝ̈ ܥܡܢ ܒܬܘܪܟܝܐ، ܗܝ ܕܦܝܫܠܗܿ ܒܬܪ ܗܕܟ ܓܘ ܣܘܝܕ، ܘܦܝܫܠܗ ܝܕܝܥܐ ܒܚܡܝܬܗ ܠܙܕܩ̈ܐ ܕܒܨܘܪ̈ܘܬܐ ܫܪ̈ܫܝܐ ܘܬܘܕܝܬܢܝ̈ܐ، ܘܕܒܚ̈ܐ ܕܩܪܒܐ، ܘܒܫܢ̄ܬܐ ܕ 2014، ܡܫܘܬܐܣܠܗ (ܟܝܢܘ) ܡܛܟܣܬܐ (ܩܪܝܬܐ ܠܙܘܝܥܐ- نداء للتحرك) ܦܘܢܝܐ ܠܐܒܝܕܘܬܐ ܟܢܝܫܝܬܐ ܗܝ ܕܟܡ ܥܒܕܠܗܿ ܛܘܟܣܐ ܕܕܥܫ ܕܪܩܘܒܠ ܡܫܝܚܝ̈ܐ ܘܐܝܙܝܕܝ̈ܐ ܘܐ̄ܚܪ̈ܢܐ ܡܢ ܒܨܘܪ̈ܘܬܐ ܓܘ ܥܝܪܩ ܘܣܘܪܝܐ.
ܘܦܝܫ ܝܗ̄ܘܒܐ ܕܫܢܐ ܕܟܐܦܝܐܢ، ܗܘ ܕܦܝܫܠܗ ܡܫܘܬܐܣܐ ܫܢ̄ܬܐ ܕ 2012، ܟܠ ܫܢ̄ܬܐ ܠܦܪ̈ܨܘܦܐ ܘܫܘܬܐܣ̈ܐ ܐܢܝ ܕܡܚܙܝ ܐܠܝܨܘܬܐ ܦܪܝܫܬܐ ܒܓܝܓܼܠ̈ܐ ܕܫܠܡܐ، ܘܐܡܝܢܝܘܬܐ ܡܚܕܘܪܝܬܐ، ܘܡܪܕܘܬܐ، ܘܝܘܠܦܢ̈ܐ، ܘܥܘܕܪܢܐ ܕܫܒܝܩ̈ܐ، ܘܡܢܝܗܝ ܦܪ̈ܨܘܦܐ ܛܪ̈ܝܕܐ.