ܡܩܪܒܐ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܡܕܒܪܢܘܬܗܿ ܘܟܕܝܪ̈ܗܿ ܘܫܕܬܢ̈ܗܿ ، ܗܘܢܝܐ ܘܒܪ̈ܟܝܬܐ ܠܡܚܘܪܐ ܕܟܬܘܪ (ܥܐܪܦܿ ܐܠܣܐܥܕܝ) ܘܠܡܘܬܒܐ ܩܢܛܪܘܢܝܐ ܕܚܘܝܕܐ ܓܘܢܝܐ ܕܣܦܪ̈ܐ ܘܟܬܘܒ̈ܐ ܓܘ ܥܝܪܩ، ܒܦܘܪܣܐ ܕܓܘܒܝܗ ܪܫܐ ܕܚܘܝܕܐ، ܒܚܕܐ ܟܦܫܬܐ ܕܡܘܬܒܐ ܩܢܛܪܘܢܝܐ، ܗܝ ܕܦܝܫܠܗܿ ܩܛܝܪܬܐ ܝܘܡ ܐܬܡܠܝ ܥܪܘܒܬܐ، ܘܦܪܩܠܗܿ ܒܩܪܡܬܐ ܕܡܚܘܪܐ (ܥܐܪܦܿ ܐܠܣܐܥܕܝ) ܒܪܫܢܘܬܐ ܕܚܘܝܕܐ ܘܡܚܘܪܐ (ܥܘܡܪ ܐܠܣܪܐܝ) ܢܛܪܐ ܓܘܢܝܐ.
ܘܡܩܪܒܐ ܡܕܒܪܢܘܬܐ ܓܘܢܝܬܐ ܗܘܢܝ̈ܐ ܠܕܟܬܘܪ (ܐܠܣܐܥܕܝ)، ܘܒܥܝܐ ܠܗ ܡܢܬܝܬܐ ܘܢܨܝܚܘܬܐ ܒܗܕ ܡܐܙܠܬܐ ܡܪܕܘܬܢܝܬܐ ܢܨܝܚܬܐ، ܒܦܩܘܕܘܬܗ ܠܗܢ ܫܘܦܐ ܡܪܕܘܬܢܝܐ ܒܟܠ ܡܗܘܡܢܘܬܐ ܘܬܡܝܡܘܬܐ، ܠܡܐ ܕܐܝܬܠܗ ܡܢ ܩܠܐ ܡܚܒܢܐ ܠܐܕܫܢܝܘܬܐ، ܘܝܗ̄ܘܐ ܒܐܡܝܢܘܬܐ ܛܥܢܢܐ ܕܩܛܪ̈ܐ ܕܡܠܬܐ ܒܫܪܝܪܘܬܐ، ܘܩܪܝܒܐ ܡܢ ܣܦܪ̈ܐ ܣܘܪ̈ܝܝܐ ܘܡܪܕܘܬܝܗܝ ܫܪܫܝܬܐ.
ܘܕܟܬܘܪ (ܥܐܪܦܿ ܐܠܣܐܥܕܝ) ، ܝܠܗ ܡܚܘܪܐ ܥܝܪܩܝܐ ܗܘܐܠܗ ܫܢ̄ܬܐ ܕ 1975 ܓܘ ܒܓܕܕ، ܐܝܬܠܗ ܣܗܕܘܬܐ ܓܘ ܣܦܪܝܘܬܐ ܥܪܒܝܬܐ ܚܕܬܐ ܫܢ̄ܬܐ ܕ 2007، ܘܡܘܦܩܠܗ ܒܝܬ ܫܢ̄ܬܐ ܚܕ ܟܬܒܐ ܒܘܚܢܝܐ ܒܫܡܐ ܕ( ܡܚܪܝܘܬܐ ܕܐܠܒܘܡܝ- شعرية اليومي) ܬܢܐܠܗ ܓܘܗ ܡܚܪܐ ܕܡܚܘܪܐ (ܥܕܢܐܢ ܐܠܨܐܓܼ).
ܘܦܝܫ ܕܟܝܪܐ، ܕܚܘܝܕܐ ܓܘܢܝܐ ܕܣܦܪ̈ܐ ܘܟܬܘܒ̈ܐ ܓܘ ܥܝܪܩ، ܝܠܗ ܟܢܘܫܬܐ ܣܘܥܪܢܝܬܐ، ܡܪܕܘܬܢܝܬܐ ܠܐ ܫܘܠܛܢܝܬܐ، ܝܨܦܐ ܒܨܒ̈ܘܬܐ ܣܦܪ̈ܝܐ ܥܝܪ̈ܩܝܐ، ܘܦܝܫܠܗ ܡܫܘܬܐܣܐ ܚܘܝܕܐ ܫܢ̄ܬܐ ܕ 1959، ܘܢܦܠ ܡܫܪܗ ܪܫܝܐ ܓܘ ܐܪܫܟܝܬܐ ܥܝܪܩܝܬܐ ܒܓܕܕ ܘܐܝܬܠܗ ܦܪ̈ܥܐ ܓܘ ܗܘܦܪ̈ܟܝܐ.