ܡܘܩܪܒܠܗܿ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܦܪܨܘܦܐ ܕܡܕܒܪܢܗܿ ܓܘܢܝܐ ܘܟܕܝܪ̈ܗܿ ܘܫܕܬܢ̈ܗܿ، ܗܘܢܝ̈ܐ ܘܒܪ̈ܟܝܬܐ، ܠܡܦܩܢܐ (ܦܪܢܟ ܓܠܒܪܬ)، ܠܩܢܝܬܗ ܕܫܢܐ ܕܨܝܪܘܬܐ ܒܫ ܛܒܬܐ ܠܙܘܠ̈ܐ (ܦܠܡ̈ܐ) ܡܬܢܝܢ̈ܐ ܐܪ̈ܝܟܐ ܒܥܕܥܐܕܐ ܕܒܓܕܕ ܣܝܢܡܝܐ ܬܒܝܠܝܐ ܬܪܝܢܐ، ܗܘ ܕܦܝܫܠܗܘܢ ܚܬܝܡ̈ܐ ܦܘܠܚܢ̈ܗ، ܒܪܡܫܐ ܕܝܘܡ ܚܕܒܫܒܐ 21 ܐܝܠܘܠ 2025، ܓܘ ܐܘܢܐ ܕܒܐܡܐ ܕܪܫܝܕ ܒܐܪܫܟܝܬܐ ܥܝܪܩܝܬܐ ܒܓܕܕ.
ܘܡܩܪܒܐ ܡܕܒܪܢܘܬܐ ܓܘܢܝܬܐ ܗܘܢܝ̈ܐ ܠܡܦܩܢܐ (ܦܪܢܟ ܓܠܒܪܬ)، ܘܒܥܝܐܠܗ ܢܨܝܚܘܬܐ ܘܡܢܬܝܬܐ ܒܡܐܙܠܬܗ ܐܘܡܢܝܬܐ ܘܡܦܩܢܘܬܢܝܬܐ.
ܘܫܘܬܦܠܗܘܢ ܒܥܕܥܐܕܐ ܕܒܓܕܕ ܣܝܢܡܝܐ ܬܒܝܠܝܐ ܬܪܝܢܐ، (6) ܙܘܠ̈ܐ ܥܝܪ̈ܩܝܐ ܚܕܬ̈ܐ ܡܪܐ ܕܛܒܥܐ ܡܬܢܝܢܐ ܐܪܝܟܐ، ܥܡ ܥܣܪ̈ܝܐ ܡܢ ܙܘܠ̈ܐ ܡܬܢܝܢ̈ܐ ܟܪ̈ܝܐ ܘܐܫܛܪ̈ܝܐ ܘܨܘܪ̈ܬܐ ܡܙܝܥܢ̈ܐ.
ܘܦܝܫ ܕܟܝܪܐ، ܕܥܕܥܐܕܐ ܕܒܓܕܕ ܣܝܢܡܝܐ ܝܠܗ ܥܕܥܐܕܐ ܣܝܢܡܝܐ ܫܢ̄ܬܢܝܐ ܦܝܫܠܗ ܩܛܝܪܐ ܒܒܓܕܕ. ܘܦܝܫ ܡܛܘܟܣܐ ܒܝܕ ܬܚܒܪܬܐ ܕܐܡܢ̈ܐ ܥܝܪ̈ܩܝܐ ܒܥܘܕܪܢ ܥܡ ܚܘܕܪܐ ܕܣܝܢܡܐ ܘܒܐܡܐ ܒܘܙܝܪܘܬ ܡܪܕܘܬܐ. ܘܦܝܫܠܗ ܡܫܘܬܐܣܐ ܫܢ̄ܬܐ ܕ 2023.
