ܡܪܕܘܬܐ ܣܘܪܝܝܬܐ ܡܛܝܒܬܐ ܓܘ ܥܒܘܕܘܝ̈ܬܐ ܕܝܘܡܐ ܬܒܠܝܐ ܕܐܕܫܝܘܬܐ ܡܪܕܘܬܢܝܬܐ ܡܛܠ ܕܘܪܫܐ ܘܫܘܘܚܐ

ܡܫܘܬܦܠܗ ܡܝܩܪܐ ( ܟܠܕܘ ܪܡܙܝ ܐܘܓܼܢܐ ) ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܩܠܝܡܐ ܕܟܘܪܕܣܬܢ ܓܘ ܥܒܘܕܘܝ̈ܬܐ ܕܝܘܡܐ ܡܪܕܘܬܢܝܐ ܦܬܝܚܐ ܗܘ ܕܦܝܫܠܗ ܡܛܘܟܣܐ ܒܝܕ ܡܛܟܣܬܐ ( ܗܘܪܝـ ) ܝܘܡܐ ܕܫܒܬܐ 21/ ܐܝܪ 2022 ܒܦܘܪܣܐ ܕܝܘܡܐ ܬܒܠܝܐ ܕܐܕܫܝܘܬܐ ܡܪܕܘܬܢܝܬܐ ܡܛܠ ܕܘܪܫܐ ܘܫܘܘܚܐ ، ܗܝ ܕܦܪܫܠܗ ( ܝܘܢܣܟܘ) ܣܝܩܘܡ (21 / ܐܝܪ ) ܡܢ ܟܠ ܫܢ̄ܬܐ ܠܙܘܝܚܐ ܒܓܘܗ ܘܥܠ ܐܪܥܐ ܕܩܠܥܐ ܕܐܪܒܝܠ ܬܫܥܝܬܢܝܬܐ ݂

ܘܚܒܫܠܗ ܙܘܝܚܐ ܡܢܝܢܐ ܡܢ ܥܒܘܕܘܝ̈ܬܐ ܡܢܝܗܝـ ܒܬܝـ̈ ܓܠܚ̈ܐ ܕܐܡܢܐ ܣܘܟܡܝܐ ܘܨܘܪ̈ܬܐ ܦܘܬܘܓܪ̈ܦܝܐ ݂ ܡܢܘ̈ܬܐ ܠܓܠܚܬܐ ܕܟܬܒ̈ܐ، ܝܬܒܝ̈ܬܐ ܕܘܪ̈ܫܝܐ ܘܝܬܒܝ̈ܬܐ ܙܡܝܪ̈ܝܐ ܥܠܝܡܝ̈ܐ ܟܠܝܗܝـ ܚܒܫܝـ ܚܕܪ ܡܠܘܐܐ ܕܐܕܫܝܘܬܐ ، ܘܥܡ ܝܨܝܦܘܬܐ ܒܐܣܟܝܡܐ ܕܝܠܢܝܐ ܥܠ ܓܪܐ ܕܐܢ̄ܬܬܐ ܓܘ ܢܛܪܬܐ ܘܫܢܝܬܐ ܘܡܛܘܪܢܬܐ ܕܝܘܪܬܢܐ ܥܬܝܩܐ ܘܡܣܦܝܢܘ̈ܬܐ ܘܥܝܕܐ ܫܪ̈ܫܝܐ ݂

ܡܫܘܬܦܠܗܿ ܡܕܒܪܢܘܬܐ ܕܝܘܪܬܢܐ ܘܒܝܬ ܥܬܩ̈ܐ ܣܘܪܝܝܐ ܢܩܘܦܬܐ ܠܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ، ܒܐܢܝـ ܥܒܘܕܘܝ̈ܬܐ ܒܡܢܬܐ ܝܘܪܬܢܝܬܐ ܦܪܝܫܬܐ ، ܘܚܒܫܠܗܿ ܦܘܠܚܢ̈ܐ ܐܡܢܝ̈ܐ ܒܝܕ ܫܕܬܢܝ̈ܬܐ ܕܒܝܬ ܥܬܩ̈ܐ ܘܫܩܝܠܐ ܡܢ ܝܘܪܬܢܢ ܣܘܪܝܝܐ ܫܪܫܝܐ ݂

ܘܦܝܫ ܕܟܝܪܐ ܕܒܝܬ ܥܬܩ̈ܐ ܕ( ܗܘܪܝـ ) ܡܫܢܝܢܐ ܝܠܗ ܬܪܡܝܬܐ ܠܡܚܝܝܬܐ ܕܝܘܪܬܢܐ ܡܪܕܘܬܢܝܐ ܘܡܕܝܢܝܘܬܐ ܥܝܪܩܝܬܐ ܓܘ ܥܒܕܬܐ ܕܥܒܘܕܘܝܗܬܐ ܘܥܝܪܘܬܐ ܓܘ ܫܒܝܠ̈ܐ ܕܐܡܢܘܬܐ ܟܢܘܫܝܝܬܐ ، ܘܦܝܫ ܕܟܝܪܐ ܕܐܡܘ̈ܬܐ ܡܚܝ̈ܕܐ ܦܪܫܠܗܿ ܐܗܐ ܝܘܡܐ ܒܫܡܐ ܕ( ܝܘܡܐ ܬܒܠܝܐ ܕܐܕܫܝܘܬܐ ܡܪܕܘܬܢܝܬܐ ܡܛܠ ܕܘܪܫܐ ܘܫܘܘܚܐ) ܠܓܠܝܬܐ ܕܥܬܝܪܘܬܐ ܕܡܪ̈ܕܘܬܐ ܕܥܠܡܐ ܘܓܪܐ ܐܣܝܐ ܕܕܘܪܫܐ ܒܝܢܬ ܡܪ̈ܕܘܬܐ ܓܘ ܫܪܪܬܐ ܕܫܠܡܐ ܘܫܘܘܚܐ ܐܡܝܢ̈ܐ.