ܡܛܘܟܣܠܗܿ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܩܠܝܡܐ ܕܟܘܪܕܣܬܢ، ܝܘܡ ܬܠܬܒܫܒܐ 5 ܬܫܪܝܢ ܬܪܝܢܐ 2024، ܓܘ ܐܘܢܐ ܕܒܝܬ ܥܬܝܩ̈ܬܐ ܕܝܪܬܘܬܐ ܣܘܪܝܝܬܐ ܒܪܘܣܬܩܐ ܕܥܢܟܒܐ، ܒܝܬ ܦܘܠܚܢܐ ܒܥܘܕܪܢ ܥܡ ܚܘܕܪܐ ܕܩܨܪܐ ܕܠܘܡܕ̈ܐ ܒܘܙܝܪܘܬ ܡܪܕܘܬܐ ܘܕܝܪܘܬܐ ܘܥܬܩ̈ܐ ܥܝܪܩܝܬܐ، ܒܢܝܫܐ ܕܕܘܪܫܐ ܕܫܒܝܠ̈ܐ ܚܫܝܚ̈ܐ ܠܢܛܪܬܐ ܕܡܟܝܢ̈ܬܐ ܥܝܪ̈ܩܝܐ ܡܢ ܡܡܠ̈ܐ ܕܣܢܝܘܬܐ.
ܘܐ̄ܬܝܠܗ ܗܢ ܒܝܬ ܦܘܠܚܢܐ، ܠܛܘܝܒܐ ܠܩܛܪܬܐ ܕܠܘܡܕܐ ( ܡܡܠܐ ܕܣܢܝܘܬܐ) ܗܘ ܒܕ ܦܝܫ ܥܒܝܕܐ ܒܐܪܫܟܝܬܐ ܒܓܕܕ، ܒܥܘܕܪܢ ܒܝܢ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܩܠܝܡܐ ܕܟܘܪܕܣܬܢ ܘܚܘܕܪܐ ܕܩܨܪܐ ܕܠܘܡܕ̈ܐ ܒܘܙܝܪܘܬ ܡܪܕܘܬܐ ܘܕܝܪܘܬܐ ܘܥܬܩ̈ܐ ܥܝܪܩܝܬܐ، ܗܘ ܒܕ ܒܨܐ ܒܐܢܢܩܝܘܬܐ ܕܡܦܩܬܐ ܕܢܡܘܣ̈ܐ ܩܢܘܢܝ̈ܐ ܠܚܝܠܢܬܐ ܕܫܝܢܐ ܟܢܘܫܝܝܐ ܘܡܒܪܝܬܐ ܕܡܚܕܘܪܐ ܫܝܢܝܐ، ܘܬܚܡܬܐ ܕܫܒܝܠ̈ܐ ܥܒܼܘܕ̈ܐ ܠܕܪܪܘܬܐ ܕܡܡܠܐ ܕܣܢܝܘܬܐ ܒܐܬܪܐ.
ܘܦܝܫܠܗܘܢ ܡܛܝܒ̈ܐ ܠܒܝܬ ܦܘܠܚܢܐ ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܩܠܝܡܐ ܕܟܘܪܕܣܬܢ ܡܝܩܪܐ (ܟܠܕܘ ܪܡܙܝ ܐܘܓܼܢܐ)، ܘܡܕܒܪܢܐ ܓܘܢܝܐ ܕܚܘܕܪܐ ܕܩܨܪܐ ܕܠܘܡܕ̈ܐܠܘܙܝܪܘܬ ܡܪܕܘܬܐ ܥܝܪܩܝܬܐ ܕܟܬܘܪ (ܡܘܢܬܨܪ ܐܠܚܣܢܐܘܝ)، ܘܡܢܝܢܐ ܡܢ ܡܡܬܠܢ̈ܐ ܕܒܨܘܪ̈ܘܬܐ ܬܘܕܝܬܢܝ̈ܐ ܒܥܝܪܩ، ܥܡ ܒܨܘܝ̈ܐ ܘܐܟܕܝܡܝ̈ܐ ܘܩܢܘܢܝ̈ܐ ܝܨܘܦ̈ܐ ܒܨܒܘ̈ܬܐ ܕܒܨܘܪ̈ܘܬܐ.
