ܩܝܡܠܗ ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܡܝܩܪܐ “ܟܠܕܘ ܪܡܙܝ ܐܘܓܼܢܐ” ܝܘܡ ܬܪܝܢܒܫܒܐ 15 ܟܢܘܢ ܩܕܡܝܐ 2024، ܒܡܝܩܪܢܘܬܐ ܕܫܒܪܬܐ ܝܗܝܒܬܐ”ܕܘܡܝܐܢܐ ܒܕܪ ܦܪܓ̰”، ܗܝ ܕܡܫܘܬܦܠܗܿ ܒܠܘܚܐ ܕ(ܡܪܥܐ ܕܒܓܕܝܕܐ) ܓܘܠܚܝܐ ܒܥܒܘܕܘ̈ܬܐ ܕܥܕܥܐܕܐ ܕܒܐܡܐ ܣܘܪܝܝܐ ܩܕܡܝܐ ܗܘ ܕܦܝܫܠܗ ܩܛܝܪܐ ܒܡܬܚܐ ܡܢ 14-16 ܟܢܘܢ ܩܕܡܝܐ ܥܒܝܪܐ.
ܘܟܐܬܝܐ ܡܝܩܪܢܘܬܐ ܕܫܒܪܬܐ “ܕܘܡܝܐܢܐ” ܠܫܪܪܬܐ ܒܝܕ ܡܕܒܪܢܘܬܐ ܓܘܢܝܬܐ ܒܣܢܕܬܐ ܕܡܘܗܒܝ̈ܬܐ ܡܫܪ̈ܝܢܐ ܒܢܝܫܐ ܕܐܡܝܢܝܘܬܐ ܕܦܘܠܚܢܝ̈ܗܝ ܘܣܩܝܠܘܬܐ ܕܡܘܗܒܬܝܗܝ.
ܘܡܫܘܬܦ ܗ̄ܘܐܠܗܿ “ܕܘܡܝܐܢܐ” ܒܠܘܚܐ ܓܘܠܚܝܐ ܦܝܫܠܗ ܡܘܩܪܒܐ ܒܝܕ ܝܗܠܐ ܕܒܪܡܝܐ ܣܘܪܝܝܐ ܐܬܝܢܐ ܡܢ ܡܕܝܢ̄ܬܐ ܕܩܡܫܠܝ ܣܘܪܝܼܝܬܐ، ܒܫܡܐ ܕ(ܡܪܥܐ ܕܒܓܕܝܕܐ) ܗܘ ܕܫܒܩܠܗ ܟܢܫܐ ܕܡܬܥܒܕ ܥܡܗ ܒܢܩܫܬܐ ܕܟܦܐ ܘܠܒܝܒܘܬܐ ܠܡܐ ܕܡܘܩܪܒܠܗ ܝܗܠܐ ܡܢ ܛܢܢܘܬܐ ܒܪ̈ܩܕܝܗܝ ܦܠܟܠܘܪ̈ܝܐ ܐܢܝ ܕܡܛܦܣܢܝ ܓܘܢܚܐ ܕܒܓܕܝܕܐ.
ܘܦܝܫ ܕܟܝܪܐ، ܕܥܕܥܐܕܐ ܕܒܐܡܐ ܣܘܪܝܝܐ ܒܕܘܪܬܗ ܩܕܡܝܬܐ ܫܘܪܐܗ̄ܘܐܠܗ ܒܪܘܣܬܩܐ ܕܥܢܟܒܐ، ܝܘܡ ܚܡܫܒܫܒܐ 14 ܟܢܘܢ ܩܕܡܝܐ2023 ، ܒܛܘܝܒܐ ܕܡܢܝܢܐ ܪܒܐ ܡܢ ܐܡܢ̈ܐ ܘܒܐܡܝ̈ܐ ܥܝܪ̈ܩܝܐ ܘܟܘܪ̈ܕܣܬܢܝܐ ܘܣܘܪ̈ܝܝܐ، ܒܐܘܢܐ ܕܟܢܘܫܬܐ ܕܡܪܕܘܬܐ ܟܠܕܝܬܐ ܒܥܢܟܒܐ.
