ܒܠܒܘ̈ܬܐ ܡܠܝ̈ܐ ܡܢ ܚܫܐ ، ܡܩܪܒܐ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܫܘܠܛܢܘܬܐ ܕܩܠܝܡܐ ܕܟܘܪܕܣܬܢ، ܒܘܝܐܐ ܠܐܘܡܢܐ ܘܡܦܩܢܐ ܒܐܡܝܐ (ܙܘܗܝܪ ܥܒܕ ܐܠܡܣܝܚ ܥܒܕܘܟܐ)، ܗܘ ܕܫܘܢܐܠܗ ܠܓܢܘܢܐ ܫܡܝܢܐ، ܒܪܡܫܐ ܕܝܘܡ ܫܒܬܐ 20 ܟܢܘܢ ܩܕܡܝܐ 2025.
ܘܒܗܢ ܦܘܪܣܐ ܚܫܢܐ ܡܩܪܒܐ ܡܕܒܪܢܘܬܐ ܓܘܢܝܬܐ ܒܦܪܨܘܦܐ ܕܡܕܒܪܢܗܿ ܓܘܢܝܐ ܘܟܕܝܪ̈ܗܿ ܘܫܕܬܢ̈ܗܿ ، ܒܘܝ̈ܐܐ ܘܣܘܠܝܐ ܠܒܝܬܘܬܐ ܕܡܢܚܐ ܘܐ̄ܢܫܝ̈ܗ ܘܠܟܠ ܡܚܒܢ̈ܗ ܘܠܒܝܬܘܬܐ ܐܘܡܢܝܬܐ ܘܡܪܕܘܬܢܝܬܐ ܒܥܢܟܒܐ ܘܩܠܝܡܐ ܕܟܘܪܕܣܬܢ ܘܥܝܪܩ ܒܐܣܟܝܡܐ ܓܘܢܝܐ، ܘܒܥܝ ܡܢ ܡܪܝܐ ܐܠܗܐ ܕܡܫܪܐ ܡܢܚܐ ܒܪ̈ܚܡܗ ܪܒܬܐ ܘܕܝܗܒܠ ܠܟܠ ܡܣܝܒܪܢܘܬܐ ܘܣܘܠܝܐ.
ܘܦܝܫ ܡܚܘܫܒܢܐ ܡܢܚܐ، ܗܘ ܕܗܘܐܠܗ ܒܥܢܟܒܐ، ܘܩܢܐܠܗ ܣܗܕܘܬܐ ܕܒܟܠܘܪܝܘܣ ܡܢ ܐܟܕܝܡܝܘܬܐ ܕܐܡܢ̈ܐ ܫܦܝܪ̈ܐ- ܡܢܬܐ ܕܐܡܢ̈ܐ ܒܐܡܝ̈ܐ/ܒܓܕܕ، ܚܕ ܡܢ ܫܡܢ̈ܐ ܒܪ̈ܘܩܐ ܒܬܫܥܝܬܐ ܕܐܡܢܐ ܘܒܐܡܐ (ܕܪܡܐ)، ܘܝܗ̄ܘܐ ܚܕ ܛܘܦ̮ܣܐ ܕܐܘܡܢܐ ܐܠܝܨܐ ܒܐܓܪܬܗ ܐ̇ܢܫܝܬܐ ܘܐܘܡܢܝܬܐ ܘܡܪܐ ܕܚܬܡܐ ܓܠܝܐ ܒܓܝܓܠ̈ܐ ܕܒܐܡܐ ܘܡܡܬܠܢܘܬܐ ܘܡܦܩܢܘܬܐ، ܘܫܘܬܦܠܗ ܒܗܘܡܢܘܬܐ ܒܛܘܘܪܐ ܕܩܐܡ ܡܪܕܘܬܢܝܐ ܘܫܒܩܠܗ ܝܘܪܬܢܐ ܒܪܘܝܝܐ ܒܕ ܦܝܫ ܡܛܝܒܐ ܒܥܘܗܕܢܐ ܕܝܘܒܠ̈ܐ ܐܬܝܢ̈ܐ.
ܘܦܝܫ ܕܟܝܪܐ، ܕܐܘܡܢܐ ܘܡܦܩܢܐ ܒܐܡܝܐ ܡܢܚܐ (ܙܘܗܝܪ ܥܒܕ ܐܠܡܣܝܚ ܥܒܕܘܟܐ)، ܩܢܐܗ̄ܘܐܠܗ ܡܝܩܪܢܘܬܐ ܡܢ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ، ܒܦܘܪܣܐ ܕܡܝܩܪܢܘܬܗܿ ܠܡܓܘܒܝ̈ܐ ܡܢ ܒܟܪ̈ܐ ܕܒܐܡܐ ܡܢ ܒܢܝ̈ ܥܡܢ ܒܡܬܚܐ ܕܥܒܘܕܘ̈ܬܐ ܕܥܕܥܐܕܐ ܕܒܐܡܐ ܣܘܪܝܝܐ ܩܕܡܝܐ ܗܘ ܕܩܝܡܠܗܿ ܓܘܗ ܠܡܬܚܐ ܡܢ 14-16 ܟܢܘܢ ܩܕܡܝܐ 2023 ܓܘ ܐܘܢܐ ܕܟܢܘܫܬܐ ܕܡܪܕܘܬܐ ܟܠܕܝܬܐ ܒܥܢܟܒܐ، ܠܥܡܠܝ̈ܗܝ ܘܦܘܠܚܢܝ̈ܗܝ ܘܫܘܬܦܬܝ̈ܗܝ ܘܡܘܗܒܬܝܗܝ ܐܘܡܢܝܬܐ ܘܒܪܘܝܝܬܐ ܒܓܝܓܼܠܐ ܕܒܐܡܐ.