ܡܩܪܒܐ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܫܘܠܛܢܘܬܐ ܕܩܠܝܡܐ ܕܟܘܪܕܣܬܢ، ܒܘܝܐܐ ܠܡܛܐܠܢܐ ܕܓܡܝܪܘܬ ܓܘܫܡ̈ܐ ܐܝܦܠ ܐܦܪܐܡ ܡܬܝ ܓܠܝܢܐ، ܗܘ ܕܡܝܬܠܗ، ܒܝܘܡ ܫܒܬܐ 23 ܟܢܘܢ ܩܕܡܝܐ 2023، ܒܓܕܫܐ ܕܚܘܢܩܐ ܓܘ ܐܘܚܕܢܐ ܕܦܠܘܪܝܕܐ ܐܡܪܝܟܝܐ.
ܟܡܩܪܒܐ ܡܕܒܪܢܘܬܐ ܒܦܪܨܘܦܐ ܕܡܕܒܪܢܗܿ ܓܘܢܝܐ ܘܟܕܝܪ̈ܗܿ ܘܫܕܬܢ̈ܗܿ ܠܚܙܡܢ̈ܗ ܘܡܚܒܢ̈ܗ ܣܘܠܝܐ ܘܡܣܝܒܪܢܘܬܐ، ܘܟܛܠܒܚ ܡܢ ܡܪܝܐ ܕܡܫܪܐ ܡܢܚܐ ܒܪܚܡܗ ܪܒܬܐ ܘܝܗ̄ܒܠ ܐ̄ܢܫܘ̈ܬܗ ܡܣܝܒܪܢܘܬܐ ܘܣܘܠܝܐ.
ܘܦܝܫ ܗ̄ܘܐܠܗ ܬܠܝܩܐ “ܡܬܝ”ܒܝܘܡ ܫܒܬܐ ܥܒܝܪܐ، ܒܬܪ ܡܐ ܕܦܝܫܠܗ ܚܢܝܩܐ ܒܡܝܐ ܕܝܡܐ ܒܥܕܢ ܡܦܠܚܬܗ ܡܛܐܠܬܐ ܕ( ܪܟܡܓ̰ܐ) ܓܘ ܐܘܚܕܢܐ ܕܦܠܘܪܝܕܐ ܐܡܪܝܟܝܐ، ܘܦܝܫܠܗ ܚܙܝܐ ܫܠܕܗ، ܒܝܘܡ ܬܠܬܒܫܒܐ 26 ܟܢܘܢ ܩܕܡܝܐ ܩܐܡܝܐ، ܒܩܘܪܒܐ ܡܢ ܡܪܙܐ ܕܐܘܚܕܢܐ.
ܘܦܝܫ ܕܟܝܪܐ ، ܕ”ܐܝܦܠ ܐܦܪܐܡ ܡܬܝ” ܦܝܫ ܡܚܘܫܒܢܐ ܡܢ ܟܙܝܪ̈ܐ ܕܚܫܚܘܬܐ ܦܓܼܪܢܝܬܐ ܘܒܢܝܬܐ ܕܓܘܫܡ̈ܐ، ܘܝܠܗ ܡܢ ܬܘܠܕ̈ܬܐ ܕܥܢܟܒܐ ܘܪܫܐ ܕܓܘܫܡܐ ܡܕܒܪܢܝܐ ܩܕܡܝܐ ܕܒܝܬ ܣܡܟܐ ܕܥܠܝܡ̈ܐ ܕܥܢܟܒܐ ܟܢܘܫܝܝܐ، ܘܫܘܪܪܠܗ ܒܡܬܚܐ ܕܡܐܙܠܬܗ ܐܬܠܝܛܝܬܐ ܡܢܝܢܐ ܡܢ ܕܫܢ̈ܐ ܬܒܠܝ̈ܐ ܓܘ ܐܬܠܝܛܘܬܐ ܕܒܢܝܬܐ ܕܓܘܫܡ̈ܐ، ܟܕ ܫܩܠܠܗ ܝܘܩܢܐ ܒܪܘܢܙܝܐ ܒܟܙܝܪܘܬܐ ܕܬܝܡܢܐ ܕܐܘܚܕܢ̈ܐ ܡܚܝܕ̈ܐ ܐܡܪ̈ܝܟܝܐ ܫܢ̄ܬܐ ܕ(2011) ، ܥܡ ܫܩܠܬܗ ܠܕܪܓܼܐ ܪܒܝܥܝܐ ܓܘ ܟܙܝܪܘܬܐ ܕܐܘܪܘܦܐ ܬܒܠܝܬܐ ܕܫܪ̈ܘܝܐ ܘܐܘܡܢܝ̈ܐ ܓܘ ܡܕܝܢ̄ܬܐ ܕܐܘܪܠܢܕܘ ܐܡܪܝܟܝܬܐ.
