ܡܩܪܒܠܗܿ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ، ܒܘܝܐܐ ܠܡܛܐܠܢܐ ܕܝܗܠܐ (ܡܓܘܒܝܐ) ܐܬܪܢܝܐ ܩܕܝܡܐ (ܓܝܘܪܓܝܣ ܐܣܡܐܥܝܠ) ، ܗܘ ܕܫܘܢܐܠܗ ܒܝܘܡܐ ܕܚܕܒܫܒܐ 18 ܐܝܪ 2025، ܒܥܠܬܐ ܕܟܘܪܗܢܐ ܥܣܩܐ.
ܘܡܩܪܒܐ ܡܕܒܪܢܘܬܐ ܒܦܪܨܘܦܐ ܕܡܕܒܪܢܗܿ ܓܘܢܝܐ ܘܟܕܝܪܗܿ ܘܫܕܬܢ̈ܗܿ ܠܒܢܝ̈ ܒܝܬܗ ܘܡܚܒܢ̈ܗ ܘܠܒܝܬܘܬܐ ܐܬܠܝܛܝܬܐ ܥܝܪܩܝܬܐ ܒܘܝܐܐ ܘܣܘܠܝܐ، ܘܒܥܝܐ ܡܢ ܡܪܝܐ ܐܠܗܐ ܕܡܫܪܐ ܡܢܚܐ ܒܪ̈ܚܡܗ ܪܒܬܐ ܘܝܗ̄ܒܠ ܒܢܝ̈ ܒܝܬܗ ܡܣܝܒܪܢܘܬܐ ܘܣܘܠܝܐ.
ܘܦܝܫ ܕܟܝܪܐ، ܕܡܢܚܐ (ܓܝܘܪܓܝܣ ܐܣܡܐܥܝܠ)، ܝܠܗ ܚܕ ܡܢ ܐܬܠܝܛܝ̈ܐ ܡܫܡܗ̈ܐ ܕܥܡܢ ܐܢܝ ܕܛܘܘܠܗܘܢ ܩܕܝܡܐܝܬ ܓܘ ܝܗܠ̈ܐ ܕܡܓܘܒܝܐ ܐܬܪܢܝܐ ܥܝܪܩܝܐ، ܟܕ ܡܘܩܪܒܠܗ ܡܢܚܐ ܬܫܡܫܝ̈ܬܐ ܪ̈ܒܐ ܠܓܘܕܬܐ ܥܝܪܩܝܬܐ ܠܡܬܚܐ ܡܢ 1962-1969 ܡܛܐܠܢܐ ܘܦܘܪܢܣܝܐ ܓܘ ܫܒܥܝܢܝ̈ܐ ܡܢ ܕܪܐ ܥܒܝܪܐ.