ܡܩܪܒܐ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܫܘܠܛܢܘܬܐ ܕܩܠܝܡܐ ܕܟܘܪܕܣܬܢ، ܒܘܝܐܐ ܠܡܝܛܪܦܘܠܝܛܐ (ܣܪܗܕ ܓ̰ܡܘ) ܗܘ ܕܫܘܢܐܠܗ ܠܓܢܘܢܐ ܫܡܝܢܐ ، ܝܘܡ ܬܠܬܒܫܒܐ 4 ܫܒܛ 2025، ܒܚܕ ܡܢ ܒܬܝ̈ ܟܪ̈ܝܗܐ ܕܡܕܝܢ̄ܬܐ ܕ(ܣܐܢ ܕܝܓܘ) ܒܐܘܚܕܢܐ ܕܟܐܠܝܦܘܪܢܝܐ ܐܡܪܝܟܝܐ
ܘܡܩܪܒܐ ܡܕܒܪܢܘܬܐ ܒܦܪܨܘܦܐ ܕܡܕܒܪܢܗܿ ܓܘܢܝܐ ܘܟܕܝܪ̈ܗܿ ܘܫܕܬܢ̈ܗܿ، ܠܐܢܫܝ̈ܗ ܘܡܚܒܢ̈ܗ ܘܠܥܕܬܐ ܟܠܕܝܬܐ ܒܘܝܐܐ ܘܣܘܠܝܐ، ܘܒܥܝ ܡܢ ܡܪܝܐ ܐܠܗܐ ܕܡܫܪܐ ܡܢܚܐ ܒܪ̈ܚܡܗ ܪܒܬܐ ܒܡܠܟܘܬܗ ܫܡܝܢܬܐ ܒܝܢܬ ܒܪܝܪ̈ܐ ܘܩܕܝܫ̈ܐ ܘܝܗ̄ܒܠ ܐ̄ܢܫܝ̈ܗ ܡܣܝܒܪܢܘܬܐ ܘܣܘܠܝܐ.
ܘܦܝܫ ܕܟܝܪܐ، ܕܡܝܛܪܦܘܠܝܛܐ ܡܢܚܐ (ܣܪܗܕ ܓ̰ܡܘ)، ܗܘܐܠܗ ܓܘ 14 ܐܕܪ ܫܢ̄ܬܐ ܕ 1941 ܒܐܪܫܟܝܬܐ ܥܝܪܩܝܬܐ ܒܓܕܕ، ܘܦܝܫܠܗ ܣܝܡܐ ܐܦܣܩܘܦܐ ܓܘ ܥܕܬܐ ܕܡܪܝ ܝܘܣܦ ܓܘ ܡܕܝܢ̄ܬܐ ܕ(ܬܪܘܝ) ܒܡܬܒܬܐ ܕܐܝܕܐ ܕܬܠܝܬܝ̈ ܪ̈ܚܡܐ ܦܛܪܝܪܟܐ ܡܪܝ ܪܘܦܐܝܠ ܒܝܕܘܝܕ ܒܫܢ̄ܬܐ ܕ 2002، ܒܬܪ ܗܕܟ ܕܦܝܫܐ ܡܩܝܡܢܘܬܗ ܥܠ ܟܘܪܣܝܐ ܕܥܕܬܐ ܕܡܪܝ ܦܛܪܘܣ ܫܠܝܚܐ ܓܘ (ܣܐܢ ܕܝܓܘ) ܓܘ ܐܝܪ ܡܢ ܝܬ ܫܢ̄ܬܐ، ܘܓܘ ܐܕܪ ܡܢ ܫܢ̄ܬܐ ܕ 2016 ܡܘܩܪܒܠܗ ܡܫܬܐܠܢܘܬܗ ܠܡܛܝܬܗ ܫܢ̈ܐ ܩܢܘܢܝ̈ܐ ܕܡܫܘܬܒܘܬܐ، ܗܝ ܕܦܝܫܠܗܿ ܩܒܝܠܬܐ ܡܢ ܓܢ̄ܒ ܩܕܝܫܘܬܗ ܕܦܦܐ ܦܪܢܣܝܣ.