ܡܩܪܒܐ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܫܘܠܛܢܘܬܢܐ ܕܩܠܝܡܐ ܕܟܘܪܕܣܬܢ، ܒܘܝܐܐ ܠܪܫ ܐܦܣܩܘܦ̈ܐ ܩܕܝܡܐ ܕܡܪܕܥܝܬܐ ܕܒܓܕܕ ܓܘ ܥܕܬܐ ܣܘܪܝܝܬܐ ܩܬܘܠܝܩܝܬܐ ܬܠܝܬܝ ܪ̈ܚܡܐ ܡܪܝ (ܐܬܢܐܣܝܘܣ ܡܬܝ ܡܬܘܟܐ)، ܗܘ ܕܫܘܢܐܠܗ ܠܓܢܘܢܐ ܫܡܝܢܐ ، ܝܘܡ ܐܪܒܥܒܫܒܐ 19 ܐܕܪ 2025، ܒܐܪܫܟܝܬܐ ܠܒܢܢܝܬܐ ܒܝܪܘܬ.
ܘܡܩܪܒܐ ܡܕܒܪܢܘܬܐ ܓܘܢܝܬܐ ܒܦܪܨܘܦܐ ܕܡܕܒܪܢܗܿ ܓܘܢܝܐ ܘܟܕܝܪ̈ܗܿ ܘܫܕܬܕ̈ܢܗܿ، ܠܐ̄ܢܫܝ̈ܗ ܘܡܚܒܢ̈ܗ ܘܠܥܕܬܐ ܣܘܪܝܝܬܐ ܩܬܘܠܝܩܝܬܐ ܐܢܛܟܝܬܐ ܒܘܝܐܐ ܘܣܘܠܝܐ، ܘܒܥܝ ܡܢ ܡܪܝܐ ܐܠܗܐ ܕܡܫܪܐ ܡܢܚܐ ܒܪ̈ܚܡܗ ܪܒܬܐ ܒܡܠܟܘܬܗ ܫܡܝܢܝܬܐ ܒܝܢܬ ܒܪܝܪ̈ܐ ܘܩܕܝܫ̈ܐ، ܘܝܗ̄ܒܠ ܐܢܫܘ̈ܬܗ ܡܣܝܒܪܢܘܬܐ ܘܣܘܠܝܐ.
ܘܦܝܫ ܕܟܝܪܐ، ܕܡܝܛܪܦܘܠܝܛܐ ܡܢܚܐ ܡܪܝ (ܐܬܢܐܣܝܘܣ ܡܬܝ ܫܒܐ ܡܬܘܟܐ)، ܗܘܐܠܗ ܒܡܕܝܢ̄ܬܐ ܕܒܪܛܠܐ ܒܕܫܬܐ ܕܢܝܢܘܐ ܓܘ 21 ܚܙܝܪܢ 1931، ܦܝܫܠܗ ܣܝܡܐ ܟܗܢܐ ܒܥܕܬܐ ܕܡܪܝ ܓ̰ܪܓ̰ܣ ܓܘ ܒܝܪܘܬ، ܒܫܢ̄ܬܐ ܕ 1954، ܒܣܝܡ ܐܝܕܐ ܕܦܛܪܝܪܟܐ (ܓ̰ܒܪܐܝܠ ܩܕܡܝܐ ܬܒܘܢܝ)، ܫܒܩܠܗ ܒܓܕܕ ܓܘ ܬܫܪܝܢ ܬܪܝܢܐ 1961 ܘܦܝܫܠܗ ܡܥܘܝܢܐ ܢܛܪ ܐ̄ܪܙܐ ܕܡܝܛܪܦܘܠܝܛܐ (ܐܬܢܐܣܝܘܣ ܝܘܚܢܢ ܒܐܟܘܣ)، ܘܟܗܢܐ ܕܡܪܥܝܬܐ ܘܡܠܦܢܐ ܓܘ ܡܕܪܫܬܐ ܐܦܪܝܡܝܬܐ، ܘܓܘ ܣܘܢܗܕܘܣ ܕܕܝܪܐ ܕܫܪܦܿܐ ܓܘ 25 ܐܝܠܘܠ 1979 ܦܝܫܠܗ ܡܓܘܒܝܐ ܐܦܣܩܘܦܐ ܥܕܘܪܐ ܕܡܪܥܝܬܐ ܕܒܓܕܕ، ܒܬܪ ܗܕܟ ܦܝܫܠܗ ܡܓܘܒܝܐ ܡܢ ܓܢ̄ܒ ܣܘܢܗܕܘܣ ܓܘ ܕܝܪܐ ܕܫܪܦܿܐ-ܒܝܪܘܬ ܡܝܛܪܦܘܠܝܛܐ ܕܡܪܥܝܬܐ ܕܒܓܕܕ ܓܘ ܥܕܬܐ ܕܡܪܬܐ ܕܫܘܘܙܒܐ ܒܣܝܩܘܡ 12 ܐܝܠܘܠ 1983 ܒܫܡܐ ܕ( ܡܪܝ ܐܬܢܐܣܝܘܣ).