ܡܩܪܒܐ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܫܘܠܛܢܘܬܐ ܕܩܠܝܡܐ ܕܟܘܪܕܣܬܢ، ܒܘܝܐܐ ܠܡܦܩܢܐ ܣܘܪܝܝܐ “ܛܐܗܪ ܣܥܝܕ ܡܬܝ” ܗܘ ܕܫܘܢܐܠܗ ܠܓܢܘܢܐ ܫܡܝܢܐ ܒܝܘܡ ܥܪܘܒܬܐ 29 ܟܢܘܢ ܩܕܡܝܐ 2023، ܒܥܠܬܐ ܕܓܠܝܛܘܬ ܠܒܐ ، ܓܘ ܪܘܣܬܩܐ ܕܥܢܟܒܐ ܒܗܘܦܪܟܝܐ ܕܐܪܒܝܠ.
ܟܡܩܪܒܐ ܡܕܒܪܢܘܬܐ ܒܦܪܨܘܦܐ ܕܡܕܒܪܢܗܿ ܓܘܢܝܐ ܘܟܕܝܪ̈ܗܿ ܘܫܕܬܢ̈ܗܿ ܠܚܙܡܢ̈ܗ ܘܡܚܒܢ̈ܗ ܣܘܠܝܐ ܘܡܣܝܒܪܢܘܬܐ، ܘܟܛܠܒܚ ܡܢ ܡܪܝܐ ܐܠܗܐ ܕܡܫܪܐ ܡܢܚܐ ܒܪܚܡܗ ܪܒܬܐ ܘܝܗ̄ܒܠ ܐ̄ܢܫܘ̈ܬܗ ܡܣܝܒܪܢܘܬܐ ܘܣܘܠܝܐ.
ܘܦܝܫ ܡܚܘܫܒܢܐ ܡܢܚܐ ܡܢ ܡܦܩܢ̈ܐ ܣܘܪ̈ܝܝܐ ܡܫܡܗ̈ܐ ܐܢܝ ܕܢܨܚܠܗܘܢ ܓܘ ܡܦܩܢܘܬܐ ܕܚܘܪ̈ܙܐ ܘܐܫܛܪ̈ܐ، ܘܡܢܝܗܝ ܦܝܠܡܐ ܐܫܛܪܝܐ ܚܕܪ ܩܛܪܐ ܕܡܫܝܚܝ̈ܐ ܐܢܝ ܕܚܙܐܠܗܘܢ ܡܪܚܩܬܐ ܥܠ ܐܝܕܐ ܕܛܘܟܣܐ ܕܕܥܫ ܫܢ̄ܬܐ 2014.
ܘܦܝܫ ܕܟܝܪܐ، ܕܡܢܚܐ” ܛܐܗܪ ܣܥܝܕ ܡܬܝ” ܫܘܪܐܠܗ ܡܐܙܠܬܗ ܬܠܦܙܝܘܢܝܬܐ ܓܘ ܐܬܝܪܝܬܐ ܕܥܝܪܩܝܼܐ-ܢܝܢܘܐ ܫܢ̄ܬܐ 2003 ، ܒܡܩܪܒܬܐ ܘܡܦܩܢܘܬܐ ܕܚܘܪ̈ܙܐ ܐܫܛܪ̈ܝܐ ܘܝܪ̈ܬܘܬܢܝܐ ܓܘ ܦܢܝ̈ܬܐ ܕܐܝܬܘܬܐ ܕܡܫܝܚܝ̈ܐ، ܘܥܡ ܦܝܠܡܐ ܐܫܛܪܝܐ ܐ̄ܚܪܢܐ ܚܒܫ ܥܝܕ̈ܐ ܘܬܣܦܝ̈ܬܐ ܕܐܝܙܝܕܝ̈ܐ ܘܬܣܦܝܬܝ̈ܗܝ، ܘܐܦ ܗܕܟ ܦܠܚܠܗ ܓܘ ܐܬܝܪܝܬܐ ܕܥܫܬܪ ܡܢ ܫܢ̄ܬܐ ܕ 2005 ܗܝ ܕܡܘܩܪܒܠܗ ܘܡܘܦܩܠܗ ܓܘܗܿ ܡܢܝܢܐ ܐ̇ܚܪܢܐ ܡܢ ܦܘܠܚܢ̈ܐ، ܡܢܝܗܝ ܦܝܠܡܐ ܐܫܛܪܝܐ ܚܕܪ ܨܒܐܝ̈ܐ ܡܢܕܐܝ̈ܐ ܘܚܘܪ̈ܙܐ ܐ̄ܚܪ̈ܢܐ ܡܢܝܗܝ ( ܙܗܪܝܪܐ ܡܢ ܩܘܪܨܐ ܕܫܡܫܐ – شعاع من قرص الشمس)، (ܡܢ ܕܥܒܪ ܕܒܓܕܝܕܐ – من ماضي بغديدا)، ܘܡܢܝܢܐ ܡܢ ܚܘܪ̈ܙܐ ܫܛܪ̈ܝܐ ܐ̄ܚܪ̈ܢܐ.
