ܒܚܫܐ ܪܒܐ ܘܟܡܝܪܘܬܐ ܥܡܘܩܬܐ، ܡܩܪܒܐ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܘܝܐܐ ، ܠܡܪܘܬܗ ܕܡܠܘܟܐ ܦܛܪܝܪܟܝܐ ܕܥܕܬܐ ܣܘܪܝܝܬܐ ܐܪܬܕܘܟܣܝܬܐ، ܘܡܝܛܪܦܘܠܝܛܐ ܕܡܪܥܝܬܐ ܕܡܘܨܠ ܘܢܩܝܦܘ̈ܬܗܿ ܩܕܝܡܐܝܬ، ܠܬܠܝܬܝ ܪ̈ܚܡܐ ܡܪܝ (ܓܪܝܓܘܪܝܘܣ ܨܠܝܒܐ ܫܡܥܘܢ)، ܗܘ ܕܫܘܢܐܠܗ ܒܣܒܪܐ ܕܩܝܡܬܐ، ܝܘܡ ܥܪܘܒܬܐ 18 ܬܡܘܙ 2025، ܒܥܘܡܪܐ ܕ(93) ܫܢ̈ܐ .
ܘܒܗܢ ܦܘܪܣܐ ܚܫܢܐ ܡܩܪܒܐ ܡܕܒܪܢܘܬܐ ܓܘܢܝܬܐ ܒܦܪܨܘܦܐ ܕܡܕܒܪܢܗܿ ܓܘܢܝܐ ܘܟܕܝܪ̈ܗܿ ܘܫܕܬܢ̈ܗܿ ، ܒܘܝ̈ܐܐ ܘܣܘܠܝܐ ܠܪܫܢܘܬܐ ܕܦܛܪܝܪܟܘܬܐ ܘܟܠܗ ܡܕܢܚܐ ܕܣܘܪ̈ܝܝܐ ܐܪ̈ܬܕܘܟܣܝܐ، ܘܡܪ̈ܘܬܐ ܕܡܢܚܐ ܘܟܠ ܡܚܒܢ̈ܗ ܘܒܥܝ ܡܢ ܡܪܝܐ ܐܠܗܐ ܕܡܫܪܐ ܡܢܚܐ ܒܪ̈ܚܡܗ ܪܒܬܐ ܒܡܠܟܘܬܗ ܫܡܝܢܝܬܐ ܒܝܢ ܒܪܝܪ̈ܐ ܘܩܕܝܫ̈ܐ، ܘܡܒܗܪ ܥܠܗ ܢܘܗܪܗ ܐܡܝܢܝܐ، ܘܕܝܗܒܠ ܐ̄ܢܫܝ̈ܗ ܘܡܚܒܢ̈ܗ ܘܪܥܝܘܬܗ ܡܣܝܒܪܢܘܬܐ ܘܣܘܠܝܐ.
ܘܦܝܫ ܡܚܘܫܒܢܐ ܡܢܚܐ، ܚܕܐ ܦܪܨܘܦܝܘܬܐ ܓܠܝܬܐ ܓܘ ܥܕܬܐ ܣܘܪܝܝܬܐ ܐܪܬܕܘܟܣܝܬܐ، ܗܘܐܠܗ ܒܡܕܝܢ̄ܬܐ ܕܒܪܛܠܐ ܒܕܫܬܐ ܕܢܝܢܘܐ ܫܢ̄ܬܐ ܕ 1932، ܘܦܝܫܠܗ ܣܝܡܐ ܟܗܢܐ ܫܢ̄ܬܐ ܕ 1957، ܒܬܪ ܗܕܟ ܦܝܫܠܗ ܡܓܘܒܝܐ ܘܣܝܡܐ ܡܝܛܪܦܘܠܝܛܐ ܫܢ̄ܬܐ ܕ 1963، ܕܗܘܐ ܦܩܘܕܐ ܕܡܪܥܝܬܐ ܕܡܘܨܠ ܘܢܩܝܦ̈ܘܬܗܿ ܕܣܘܪ̈ܝܝܐ ܐܪ̈ܬܕܘܟܣܝܐ ܗܠ ܝܘܡܐ ܕܡܫܘܬܒܘܬܗ، ܕܦܝܫ ܐܡܝܢܝܐ ܒܬܪ ܗܕܟ ܒܬܫܡܫܬܗ ܡܠܘܟܐ ܦܛܪܝܪܟܝܐ ܓܘ ܟܢܘܫܝܐ ܩܕܝܫܐ ܕܥܕܬܐ.
ܘܦܝܫ ܕܟܝܪܐ، ܕܬܠܝܬܝ ܪ̈ܚܡܐ ܡܪܝ (ܓܪܝܓܘܪܝܘܣ ܨܠܝܒܐ ܫܡܥܘܢ)، ܦܝܫ ܡܚܘܫܒܢܐ ܡܢ ܝܕܘܥ̈ܐ ܡܫܡܗ̈ܐ ܓܘ ܥܕܬܐ ܣܘܪܝܝܬܐ ܐܪܬܕܘܟܣܝܬܐ، ܘܐܝܬܠܗ ܫܘܬܦܝ̈ܬܐ ܪ̈ܒܐ ܒܢܛܪܬܐ ܕܝܪܬܘܬܐ ܣܘܪܝܝܬܐ ܘܦܪܣܬܗܿ، ܟܕ ܩܝܡܠܗ ܒܣܝܘܡܘܬܐ ܕܡܢܝܢܐ ܡܢ ܟܬܒ̈ܐ ܘܕܪ̈ܫܝܬܐ ܒܡܬܚܐ ܕܚܝܘܬܗ، ܡܢܝܗܝ ( ܡܠܟܘ̈ܬܐ ܐܪ̈ܡܝܐ)، ( ܕܪ̈ܫܝܬܐ ܒܠܫܢܐ ܣܘܪܝܝܐ) ، (ܡܐܐ ܡܠܬܐ ܘܡܠܬܐ)، ܥܡ ܬܘܪܓܡܐ ܕܦܘܠܚܢ̈ܐ ܐܢܢܩܝ̈ܐ ܐܝܟ ( ܬܫܥܝܬܐ ܕܡܪܝ ܡܝܟܐܝܠ ܪܒܐ)، ( ܫܪܒܐ ܕܚܝ̈ܐ ܕܒܬܘܠܬܐ ܩܕܝܫܬܐ ܡܪܝܡ)، ܘܥܡ ܦܘܫܩܐ ܕܦܘܠܚܢ̈ܐ ܐܢܢܩܝ̈ܐ ܐܝܟ ( ܦܘܫܩܐ ܕܡܪܝ ܐܝܐܘܢܝܣ ܐܠܕܐܪܝ) ܘ ( ܬܫܥܝܬܐ ܐܠܬܠܡܚܪܝ).
