ܡܪܕܘܬܐ ܣܘܪܝܝܬܐ ܡܩܪܒܐ ܒܘܝܐܐ ܠܡܪܘܬܗ ܕܡܝܛܪܦܘܠܝܛܐ ܡܪܝ (ܐܦܪܝܡ ܡܘܟܝܢ)

ܒܚܫܐ ܪܒܐ ܘܟܡܝܪܘܬܐ ܥܡܘܩܬܐ، ܡܩܪܒܐ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܘܝܐܐ ، ܠܐܝܙܓܕܐ ܦܛܪܝܪܟܝܐ ܘܡܝܛܪܦܘܠܝܛܐ ܕܡܪܥܝܬܐ ܕܗܢܕ ܕܥܕܬܐ ܕܡܕܢܚܐ ܕܐܬܘܪ̈ܝܐ ܡܪܘܬܗ ܕܡܝܛܪܦܘܠܝܛܐ ܡܪܝ (ܐܦܪܝܡ ܡܘܟܝܢ)، ܗܘ ܕܫܘܢܐܠܗ ܒܣܒܪܐ ܕܩܝܡܬܐ، ܝܘܡ ܬܪܝܢܒܫܒܐ 7 ܬܡܘܙ 2025، ܒܥܘܡܪܐ ܕ(85) ܫܢ̈ܐ .

ܘܒܗܢ ܦܘܪܣܐ ܚܫܢܐ ܡܩܪܒܐ ܡܕܒܪܢܘܬܐ ܓܘܢܝܬܐ ܒܦܪܨܘܦܐ ܕܡܕܒܪܢܗܿ ܓܘܢܝܐ ܘܟܕܝܪ̈ܗܿ ܘܫܕܬܢ̈ܗܿ ، ܒܘܝ̈ܐܐ ܘܣܘܠܝܐ ܠܪܫܢܘܬܐ ܕܥܕܬܐ ܕܡܕܢܚܐ ܕܐܬܘܪ̈ܝܐ ܘܡܪ̈ܘܬܐ ܕܡܢܚܐ ܘܟܠ ܡܚܒܢ̈ܗ ܘܒܥܝ ܡܢ ܡܪܝܐ ܐܠܗܐ ܕܡܫܪܐ ܡܢܚܐ ܒܪ̈ܚܡܗ ܪܒܬܐ ܒܡܠܟܘܬܗ ܫܡܝܢܝܬܐ ܒܝܢ ܒܪܝܪ̈ܐ ܘܩܕܝܫ̈ܐ، ܘܡܒܗܪ ܥܠܗ ܢܘܗܪܗ ܐܡܝܢܝܐ، ܘܕܝܗܒܠ ܐ̄ܢܫܝ̈ܗ ܘܡܚܒܢ̈ܗ ܘܪܥܝܘܬܗ ܡܣܝܒܪܢܘܬܐ ܘܣܘܠܝܐ.

ܘܦܝܫ ܕܟܝܪܐ، ܕܡܝܛܪܦܘܠܝܛܐ ܡܢܚܐ ܡܪܝ (ܐܦܪܝܡ ܡܘܟܝܢ)، ܕܣܝܡܠܗ ܒܡܬܚܐ ܕܚܝܘܬܗ ܥܣܪ̈ܝܐ ܕܟܬܒ̈ܐ ܓܘ ܓܝܓܠ̈ܐ ܕܬܫܥܝܬܐ ܥܕܬܢܝܬܐ ܘܬܐܘܠܘܓܼܝܐ(ܠܗܘܬ) ܘܫܪܒܐ ܕܚܝ̈ܐ، ܘܝܗ̄ܒܠܗ ܠܒܝܬ ܐܪ̈ܟܐ ܥܕܬܢܝܐ ܝܘܪܬܢܐ ܪܢܝܝܐ ܘܪܘܚܢܝܐ ܛܝܡܢܐ.