ܡܪܕܘܬܐ ܣܘܪܝܝܬܐ ܡܩܪܒܐ ܒܘܝܐܐ ܠܩܘܡܬܐ ܐܬܠܝܛܝܬܐ ܥܝܪܩܝܬܐ (ܫܕܪܐܟ ܝܘܣܦ)

ܒܚܫܐ ܪܒܐ ܘܟܡܝܪܘܬܐ ܥܡܘܩܬܐ، ܡܩܪܒܐ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܘܝܐܐ، ܠܩܘܡܬܐ ܐܬܠܝܛܝܬܐ ܘܚܕ ܡܢ ܡܫܡܗ̈ܐ ܕܐܬܠܝܛܘܬܐ ܥܝܪܩܝܬܐ، ܡܛܐܠܢܐ ܬܒܝܠܝܐ ܩܕܝܡܐ ܘܡܢܗܪܢܐ ܐܬܠܝܛܝܐ ܡܫܡܗܐ (ܫܕܪܐܟ ܝܘܣܦ)، ܗܘ ܕܫܘܢܐܠܗ، ܒܨܦܪܐ ܕܝܘܡ ܬܠܬܒܫܒܐ 5 ܐܒ 2025، ܒܥܠܬܐ ܕܟܘܪܗܢܐ ܥܣܩܐ.

ܘܒܗܢ ܦܘܪܣܐ ܚܫܢܐ ܡܩܪܒܐ ܡܕܒܪܢܘܬܐ ܓܘܢܝܬܐ ܒܦܪܨܘܦܐ ܕܡܕܒܪܢܗܿ ܓܘܢܝܐ ܘܟܕܝܪ̈ܗܿ ܘܫܕܬܢ̈ܗܿ ، ܒܘܝ̈ܐܐ ܘܣܘܠܝܐ ܠܒܝܬܘܬܐ ܡܝܩܪܬܐ ܕܡܢܚܐ، ܘܠܒܪܘܢܗ ܐܘܡܢܐ (ܪܡܣܢ ܫܕܪܐܟ)، ܘܠܟܠ ܡܚܒܢ̈ܗ ܓܘ ܒܝܬܘܬܐ ܐܬܠܝܛܝܬܐ ܥܝܪܩܝܬܐ، ܘܒܥܝ ܡܢ ܡܪܝܐ ܐܠܗܐ ܕܡܫܪܐ ܡܢܚܐ ܒܪ̈ܚܡܗ ܪܒܬܐ ܒܡܠܟܘܬܗ ܫܡܝܢܝܬܐ ܒܝܢ ܒܪܝܪ̈ܐ ܘܩܕܝܫ̈ܐ، ܘܝܗ̄ܒܠܗ ܢܝܚܘܬܐ ܥܠܡܝܢܝܬܐ، ܘܕܝܗܒܠ ܐ̄ܢܫܝ̈ܗ ܘܡܚܒܢ̈ܗ ܡܣܝܒܪܢܘܬܐ ܘܣܘܠܝܐ.

ܘܦܝܫ ܕܟܝܪܐ، ܕܡܢܚܐ (ܫܕܪܐܟ ܝܘܣܦ)، ܗܘܐܠܗ ܒܣܝܩܘܡ 1 ܬܡܘܙ 1942 ܓܘ ܚܒܢܝܼܐ ܒܗܘܦܪܟܝܐ ܕܐܢܒܐܪ، ܡܛܐܠܢܐ ܥܝܪܩܝܐ ܩܕܝܡܐ ܓܘ ܩܢܛܪܘܢ ܕܣܪܛܐ ܕܡܨܥܐ، ܛܘܘܠܠܗ ܓܘ ܡܓܘܒܝܐ ܕܥܝܪܩ ܕܓܘܕܬܐ ܕܐܩܠܐ ܓܘ ܐ̄ܚܪ̈ܝܬܐ ܕܟܣܐ ܕܐܣܝܐ ܫܢ̄ܬܐ ܕ(1972)، ܘܛܘܘܠܠܗ ܠܡܓܘܒܝܐ ܐܬܪܢܝܐ ܒܝܢ ܬܪܬܝܢ ܫܢ̈ܐ (1965) ܘ(1973)، ܘܩܪܡܠܗ ܒܟܣܐ ܕܥܪ̈ܒܝܐ ܒܝܢ ܬܪܬܝܢ ܫܢ̈ܐ (1964) ܘ(1966)، ܒܬܪ ܗܕܟ ܦܣܩܠܗ ܫܠܝܘܬܐ (ܫܒܩܬܐ) ܒܬܪ ܡܨܦܝܢܘ̈ܬܐ ܕܟܣܐ ܕܬܒܝܠ (1974).