ܡܩܪܒܐ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܫܘܠܛܢܘܬܐ ܕܩܠܝܡܐ ܕܟܘܪܕܣܬܢ، ܒܘܝܐܐ ܠܡܘܣܝܩܘܪܐ ܘܒܨܘܝܐ “ܒܐܣܡ ܚܢܐ ܦܛܪܘܣ” ܗܘ ܕܫܘܢܐܠܗ ܠܓܢܘܢܐ ܫܡܝܢܐ، ܝܘܡ ܬܠܬܒܫܒܐ 2 ܚܙܝܪܢ 2024، ܓܘ ܡܕܝܢ̄ܬܐ ܕܐܘܟܠܐܢܕ ܒܢܝܘܙܝܠܢܕܐ.
ܘܡܩܪܒܐ ܡܕܒܪܢܘܬܐ ܒܦܪܨܘܦܐ ܕܡܕܒܪܢܗܿ ܓܘܢܝܐ ܘܟܕܝܪ̈ܗܿ ܘܫܕܬܢ̈ܗܿ ܠܐ̄ܢܫܝ̈ܗ ܘܡܚܒܢ̈ܗ ܒܘܝܐܐ ܘܣܘܠܝܐ، ܘܛܠܒܘܚ ܡܢ ܡܪܝܐ ܕܡܫܪܐ ܡܢܚܐ ܒܪܚܡܗ ܪܒܬܐ ܒܡܠܟܘܬܗ ܫܡܝܢܝܬܐ ܘܝܗ̄ܒܠ ܐ̄ܢܫܝ̈ܗ ܡܣܝܒܪܢܘܬܐ ܘܣܘܠܝܐ.
ܝܠܕܠܗ ܡܘܣܝܩܘܪܐ ܡܢܚܐ “ܒܐܣܡ ܚܢܐ ܦܛܪܘܣ” ܒܓܕܕ ܫܢ̄ܬܐ 1934̤ ܢܦܩܠܗ ܡܢ ܒܝܬ ܕܪܫܐ ܕܐܡܢ̈ܐ ܫܦܝܪ̈ܐ ܡܢܬܐ ܕܡܘܣܝܩܐ ܒܫܢ̄ܬܐ ܕ 1954، ܘܝܠܗ ܡܢ ܗܕܡ̈ܐ ܕܝܘܒܠܐ ܬܪܝܢܐ ܡܫܬܐܣܢ̈ܐ ܕܝܗܠܐ ܕܣܡܦܘܢܝܐ ܐܬܪܢܝܐ ܥܝܪܩܝܐ، ܘܐܦ ܗܕܟ ܚܦܛܠܗ ܒܓܝܓܼܠܐ ܕܟܬܝܒܬܐ ܘܒܘܨܝܐ.
ܝܗ̄ܘܐ ܡܕܒܪܢܐ ܕܣܝܘܡܘܬܐ ܕܡܢܝܢܐ ܡܢ ܡܓܼܠ̈ܐ ܡܘܣܝܩܝ̈ܐ ܕܝܠܢܝ̈ܐ ܡܢܝܗܝ ( ܩܝܬܪܐ- القيثارة)، (ܡܘܣܝܩܐ ܘܫܒܼܪܐ – الموسيقى والطفل) ܐܢܝ ܕܢܦܩܝ ܗ̄ܘܘ ܡܢ ܚܘܕܪܐ ܕܐܡܢ̈ܐ ܡܘܣܝܩܝ̈ܐ ܒܘܙܝܪܘܬ ܡܪܕܘܬܐ ܘܝܘܕܥܐ، ܘܡܓܼܠܬܐ ܕ( ܡܘܣܝܩܐ ܥܪܒܝܐ- الموسيقى العربية) ، ܗܝ ܕܢܦܩܠܗܿ ܒܝܕ ܟܢܘܫܝܐ ܥܪܒܝܐ ܒܠܘܘ̈ܬܐ ܕܐܘܚܕܢ̈ܘܬܐ ܥܪ̈ܒܝܐ.
ܘܡܢܚܐ ܝܗ̄ܘܐ ܒܚܝܪܐ ܣܢܝܕܐ ܒܡܘܣܝܩܐ ܕܥܕܬܐ ܟܠܕܝܬܐ، ܘܕܪܫܠܗ ܓܘ ܒܝܬ ܕܪܫܐ ܕܫܡܥܘܢ ܐܠܨܦܐܐ ܩܠܝܪܝܩܝܐ، ܘܟܠܢܝܘܬܐ ܒܒܠ ܕܬܐܘܠܘܓܼܝܐ ܘܦܝܠܣܘܦܘܬܐ، ܘܕܝܪܐ ܕܪ̈ܒܢܝܬܐ ܟܠܕܝ̈ܐ ܓܘ ܙܥܦܪܢܝܐ ܒܒܓܕܕ، ܘܝܗ̄ܘܐ ܢܛܪ ܐ̄ܪܙܐ ܕܣܝܥܬܐ ܐܬܪܢܝܬܐ ܥܝܪܩܝܬܐ ܕܡܘܣܝܩܐ ܠܡܬܚܐ ܡܢ 1974 ܗܠ ܡܫܘܬܒܘܬܗ ܡܢ ܦܘܠܚܢ̈ܗ ܫܢ̄ܬܐ 1992.