ܡܩܪܒܐ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ݁ܐ ܣܘܪ̈ܝܝܐ ܒܦܪܨܘܦܐ ܕܡܕܒܪܢܗܿ ܓܘܢܝܐ ܘܟܕܝܪܗܿ ܘܫܕܬܢ̈ܗܿ ܘܡܕܒܪ̈ܢܘܬܐ ܢܩܝܦ̈ܐ ܐܠܗܿ، ܗܘܢܝ̈ܐ ܘܒܪ̈ܟܝܬܐ ܠܡܕܒܪܢܐ ܓܘܢܝܐ ܩܕܝܡܐ ܕܡܕܒܪܢܘܬܐ ܕܟܬܘܪ “ܪܘܒܝܢ ܒܝܬ ܫܡܘܐܝܠ” ܒܦܘܪܣܐ ܕܫܩܠܬܗ ܗܕܡܝܘܬܐ ܥܒܘܕܬܐ ܕܟܢܘܫܝܐ ܝܘܠܦܢܝܐ ܥܝܪܩܝܐ.
ܘܡܩܪܒܐ ܡܕܒܪܢܘܬܐ ܓܘܢܝܬܐ ܗܘܢܝ̈ܐ ܠܕܟܬܘܪ “ܫܡܘܐܝܠ”، ܘܛܠܒܐ ܛܠܗ ܡܢܬܝܬܐ ܘܢܨܝܚܘܬܐ ܠܬܫܡܫܬܐ ܕܠܫܢܢ ܘܡܪܕܘܬܢ ܡܢ ܫܘܦܗ ܓܘ ܟܢܘܫܝܐ ܝܘܠܦܢܝܐ ܥܝܪܩܝܐ.
ܘܦܝܫ ܕܟܝܪܐ، ܕܐܟܕܝܡܝܐ “ܪܘܒܝܢ ܒܝܬ ܫܡܘܐܝܠ” ، ܫܩܝܠܐܝܠܗ ܣܗܕܘܬܐ ܕܕܟܬܘܪܐ ܡܢ ܒܝܬ ܨܘܒܐ ܠܒܢܢܝܐ ܒܠܫܢܐ ܣܘܪܝܝܐ ܘܣܦܪܝܘܬܗ، ܘܝܗ̄ܘܐ ܒܕܪܓܐ ܕܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܫܘܠܛܢܘܬܐ ܕܩܠܝܡܐ ܕܟܘܪܕܣܬܢ ܠܡܬܚܐ ܡܢ 2016 – 2021، ܘܝܗ̄ܘܐ ܡܠܦܢܐ ܕܠܫܢܐ ܣܘܪܝܝܐ ܒܡܢܬܐ ܕܠܫܢܐ ܣܘܪܝܝܐ ܒܒܝܬ ܨܘܒܐ ܕܒܓܼܕܕ ܘܝܗ̄ܘܐ ܡܫܪܪܢܐ ܩܕܡܝܐ ܕܡܢܬܐ ܒܝܢܬ ܬܪܬܝ ܫܢ̈ܐ 2004- 2006، ܘܝܗ̄ܘܐ ܐܡܘܪܐ ܒܡܢܬܐ ܕܠܫܢܐ ܣܘܪܝܝܐ ܒܒܝܬ ܨܘܒܐ ܕܨܠܚ ܐܠܕܝܢ ܓܘ ܐܪܒܝܠ ܠܡܬܚܐ 2016- 2021.