ܩܝܡܠܗܿ ܒܣܥܘܪܘܬܐ ܐܝܙܓܕܘܬܐ ܡܢ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܫܘܠܛܢܘܬܐ ܕܩܠܝܡܐ ܕܟܘܪܕܣܬܢ، ܒܝܘܡ ܚܡܫܒܫܒܐ 1 ܚܙܝܪܢ 2023 ، ܠܡܫܪܝܐ ܕܙܘܥܐ ܕܝܡܘܩܪܛܝܐ ܐܬܘܪܝܐ ( ܙܘܥܐ) ܓܘ ܥܢܟܒܐ، ܒܢܝܫܐ ܕܡܩܪܒܬܐ ܕܗܘܢܝ̈ܐ ܠܙܘܥܐ ܒܦܘܪܣܐ ܕܢܨܝܚܘܬܐ ܕܠܘܡܕܗ ܥܣܝܪܝܐ.
ܘܚܒܫܠܗܿ ܐܝܙܓܕܘܬܐ ܣܥܘܪܬܐ ܡܕܒܪܢܐ ܓܘܢܝܐ ܡܝܩܪܐ ” ܟܠܕܘ ܪܡܙܝ ܐܘܓܼܢܐ ” ، ܡܕܒܪܢܐ ܕܒܝܬ ܥܬܝܩ̈ܬܐ ܕܝܪܬܘܬܐ ܣܘܪܝܝܬܐ ܡܝܩܪܐ “ܒܪܢܪܕ ܝܘܣܦ” ، ܘܡܢܝܢܐ ܡܢ ܫܕܬܢ̈ܐ ܕܡܕܒܪܢܘܬܐ، ܟܕ ܡܘܩܪܒܠܗܿ ܐܝܙܓܕܘܬܐ ܗܘܢܝ̈ܐ ܠܓܘܫܡܐ ܦܩܘܕܝܐ ܚܕܬܐ ܘܒܥܐܠܗ ܠܗܘܢ ܫܘܘܫܛܐ ܘܢܨܝܚܘܬܐ ܠܬܫܡܫܬܐ ܕܥܡܢ.
ܘܚܘܬܬܠܗ ܡܝܩܪܐ ” ܐܘܓܼܢܐ ” ܒܡܬܚܐ ܕܣܥܘܪܘܬܐ ܟܕ ܒܐܡܪܐ: ܕܐܘܡܬܐ ܡܬܩܕܡܐ ܒܐܡܢܐ ܘܡܪܕܘܬܐ ، ܘܡܘܥܒܪܗ ܥܠ ܛܘܝܒܐ ܕܡܕܒܪܢܘܬܐ ܓܘܢܝܬܐ ܠܥܘܕܪܢܐ ܥܡ ܟܠܝܗܝ ܫܘܬܐܣ̈ܐ ܠܬܫܡܫܬܐ ܕܡܪܕܘܬܐ ܘܐܡܢܐ ܣܘܪܝܝܐ .
