ܡܫܘܬܦܠܗ ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܩܠܝܡܐ ܕܟܘܪܕܣܬܢ ܡܝܩܪܐ”ܟܠܕܘ ܪܡܙܝ ܐܘܓܼܢܐ”، ܝܘܡ ܚܡܫܒܫܒܐ 19 ܐܝܠܘܠ 2024، ܒܙܘܝܚܐ ܕܦܘܬܚܐ ܕܥܕܥܐܕܐ ܕܢܗܠܐ ܩܕܡܝܐ، ܗܘ ܒܕ ܗܘܐ ܐܡܝܢܝܐ ܠܡܬܚܐ ܕܬܠܬܐ ܝܘܡ̈ܐ ܓܘ ܪܓܼܘܠܐ ܕܢܗܠܐ ܒܗܘܦܪܟܝܐ ܕܕܗܘܟ.
ܘܦܝܫܠܗܘܢ ܡܛܝܒ̈ܐ ܒܙܘܝܚܐ ܕܦܘܬܚܐ، ܡܫܕܪ̈ܘܬܐ ܪ̈ܘܫܡܝܐ ܘܓܒܝ̈ܐ ܘܬܘܕܝܬܢܝ̈ܐ ܘܟܢܫܝ̈ܐ ܡܢ ܦܢܝ̈ܬܐ ܡܫܚܠܦ̈ܐ ܕܐܝܬܘܬܐ ܕܥܡܢ ܒܐܬܪܐ ܘܓܠܘܬܐ، ܘܡܫܘܪܐܠܗ ܙܘܝܚܐ ܥܒܘܕܘ̈ܬܗ ܒܡܡܠܐ ܕܪܫ ܣܝܥܬܐ ܕܥܕܥܐܕܐ ܚܦܝܛܐ (ܡܝܟܐܝܠ ܒܢܝܡܝܢ)، ܒܬܪ ܗܕܟ ܡܡܠܐ ܕܐܦܣܩܘܦܐ ܕܚܕܝܒ ܕܥܕܬܐ ܡܕܢܚܝܬܐ ܥܬܝܩܬܐ ܡܪܝ (ܫܡܥܘܢ ܕܢܝܐܝܠ).
ܘܚܒܫܠܗ ܙܘܝܚܐ ܡܩܪܒܬܐ ܕܡܢܝܢܐ ܡܢ ܡܘܫ̈ܚܬܐ ܡܚܪ̈ܝܐ، ܘܡܢܝܗܝ ܡܫܘܚܬܐ ܕܐܘܠܝܬܐ ܠܐܡܢܐ ܪܒܐ ܡܢܚܐ (ܐܝܒܼܢ ܐܓܼܣܝ)، ܘܥܡ ܡܩܪܒܬܐ ܕܙܡܝܪܬܐ ܐܘܡܬܢܝܬܐ ܒܐܣܟܝܡܐ ܟܢܫܝܐ ( ܕܪܓܘܫܬܐ ܕܡܪܕܘܬܐ) ܡܘܩܪܒܬܐ ܠܪܘܚܐ ܕܡܢܚܐ، ܗܘ ܕܫܘܢܐܠܗ ܩܕ̄ܡ ܚܕܟܡܐ ܝܘܡ̈ܐ ܒܐܘܚܕܢ̈ܐ ܡܚܝܕ̈ܐ ܐܡܪ̈ܝܟܝܐ.
ܘܐܦ ܗܕܟ ܚܒܫܠܗܘܢ ܥܒܘܕܘ̈ܬܐ ܕܥܕܥܐܕܐ، ܒܝܬ ܓܠܚܐ ܕܡܐܢ̈ܐ ܝܪ̈ܬܘܬܢܝܐ ܡܢ ܝܘܪܬܢܐ ܥܡܡܝܐ ܕܩܘܪ̈ܝܐ ܕܥܡܢ ܓܘ ܦܢܝܬܐ، ܘܒܝܬ ܓܠܚܐ ܐ̄ܚܪܢܐ ܕܡܦܪ̈ܝܢܐ ܬܘܪ̈ܣܝܝܐ ܕܘܟܬܢܝ̈ܐ ܘܣܗܡܐ ܐ̄ܚܪܢܐ ܠܟܬܒ̈ܐ.
ܘܒܚܘܬܡܐ ܕܝܘܡܐ ܩܕܡܝܐ ܡܢ ܥܕܥܐܕܐ، ܡܘܩܪܒܠܗܘܢ ܒܢܝ̈ ܦܢܝܬܐ ܐܟܼܠܪܡܫܐ ܠܡܛܝܒ̈ܐ، ܚܒܫܠܗܘܢ ܡܐܟܠ̈ܐ ܥܡܡܝ̈ܐ ܡܢ ܝܪܬܘܬܐ ܥܡܡܝܬܐ ܕܦܢܝܬܐ.
