ܡܫܘܬܦܠܗ ܡܝܩܪܐ “ܟܠܕܘ ܪܡܙܝ ܐܘܓܼܢܐ” ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܩܠܝܡܐ ܕܟܘܪܕܣܬܢ ܝܘܡܐ ܕܬܠܬܒܫܒܐ 12 ܐܝܠܘܠ 2023 ܓܘ ܦܘܬܚܐ ܕܒܝܬ ܓܠܚܐ ܕܨܘܪ̈ܬܐ ܦܘܬܘܓܪ̈ܦܝܐ ܕܦܝܫܡܪܓܐ ܡܫܝܚܝ̈ܐ ܫܘܬܦ̈ܐ ܓܘ ܩܘܡ̈ܐ ܟܘܪ̈ܕܣܬܢܝܐ ܗܘ ܕܦܝܫܠܗ ܥܒܝܕܐ ܒܝܕ ܩܢܛܪܘܢ ܕܥܫܬܪ ܕܡܪܕܘܬܐ ܘܐܡܢ̈ܐ ܓܘ ܙܟܼܘ، ܒܪܥܝܘܬ ܡܪܝ “ܦܝܠܝܟܣ ܐܠܫܐܒܝ” ܪܥܝܐ ܕܡܪܥܝܬܐ ܕܙܟܼܘ ܟܠܕܝܬܐ ܘܒܡܘܘܠܐ ܡܢ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ.
ܘܡܫܕܪܘܬܐ ܕܡܪܕܘܬܐ ܣܘܪܝܝܬܐ ܝܗ̄ܘܬ ܒܪܫܢܘܬܐ ܕܡܕܒܪܢܗܿ ܓܘܢܝܐ ܡܝܩܪܐ “ܟܠܕܘ ܪܡܙܝ ܐܘܓܼܢܐ” ܗܝ ܕܩܝܡܠܗܿ ܒܣܥܘܪܘܬܐ ܠܪܥܝܐ ܕܡܪܥܝܬܐ ܕܟܼܘ ܟܠܕܝܬܐ ܡܪܝ “ܦܝܠܝܟܣ ܐܠܫܐܒܝ” ܓܘ ܒܝܬ ܡܝܛܪܦܘܠܝܛܘܬܐ. ܘܚܒܫܠܗܿ ܡܫܕܪܘܬܐ ܡܝܩܪܐ “ܒܪܢܐܪܕ ܝܘܣܦ” ܡܕܒܪܢܐ ܕܝܪܬܘܬܐ ܘܒܝܬ ܥܬܝܩ̈ܬܐ ܣܘܪܝܝܐ ، ܘܡܝܩܪܐ “ܦܘܐܕ ܫܡܥܘܢ” ܡܕܒܪܢܐ ܕܡܕܒܪܢܘܬܐ ܘܡܢܝܢܐ ܡܢ ܫܕܬܢ̈ܐ ܕܡܕܒܪܢܘܬܐ.
ܘܡܘܝܕܥܠܗܿ ܡܫܕܪܘܬܐ ܠܪܥܝܐ ܕܡܪܥܝܬܐ ܥܠ ܟܫܝܪ̈ܘܬܐ ܘܥܒܘܕܘ̈ܬܐ ܡܫܚܠܦ̈ܐ ܐܢܝ ܕܪܥܝܐܠܗܘܢ ܘܡܛܟܣܐܠܗܘܢ ܡܕܒܪܢܘܬܐ ܓܘܢܝܬܐܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܓܘ ܦܢܝ̈ܬܐ ܡܫܚܠܦ̈ܐ ܕܐܝܬܘܬܐ ܕܥܡܢ، ܘܡܚܘܬܬܠܗ “ܐܘܓܼܢܐ” ܥܠ ܛܘܝܒܐ ܕܡܕܒܪܢܘܬܗ ܠܥܘܕܪܢܐ ܥܡ ܥܕܬܐ ܘܟܠܝܗܝ ܫܘܬܐܣ̈ܐ ܡܪ̈ܕܘܬܢܝܐ ܘܐܡܢܝ̈ܐ ܓܘ ܛܟܣܬܐ ܕܒܫ ܙܘܕܐ.
