ܣܘܩܒܠܗ ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܫܘܠܛܢܘܬܐ ܕܩܠܝܡܐ ܕܟܘܪܕܣܬܢ ܡܝܩܪܐ”ܟܠܕܘ ܪܡܙܝ ܐܘܓܼܢܐ”، ܝܘܡ ܬܪܝܢܒܫܒܐ 22 ܬܡܘܙ 2024 ܓܘ ܒܢܝܢܐ ܕܡܕܒܪܢܘܬܐ ܒܪܘܣܬܩܐ ܕܥܢܟܒܐ، ܡܣܕܪܢܐ ܓܘܢܝܐ ܕܡܫܬܐܣܬܐ ܕܡܣܐܪܐܬ ܕܟܬܘܪ (ܣܥܕ ܣܠܘܡ).
ܘܕܪܫܠܗܘܢ ܬܪܘܝܗܝ ܓܢ̄ܒܢ̈ܐ ܒܣܘܘܕܝܗܝ ܫܒܝܠ̈ܐ ܕܥܘܕܪܢܐ ܡܫܘܬܦܐ ܓܘ ܓܝܓܼܠܐ ܕܦܪܣܬܐ ܕܡܪܕܘܬܐ ܣܘܪܝܝܬܐ ܘܣܘܪܛܐ ܠܥܒܕܬܐ ܕܥܒܘܕܘ̈ܬܐ ܡܫܘܬܦ̈ܐ، ܥܡ ܒܨܝܬܐ ܓܘ ܫܘܬܦܬܐ ܕܡܫܬܐܣܬܐ ܕ(ܡܣܐܪܐܬ) ܓܘ ܣܝܡܦܘܙܝܘܡ ܣܘܪܝܝܐ ܩܕܡܝܐ ܒܐܬܪܐ، ܗܘ ܕܒܥܝܐ ܡܕܒܪܢܘܬܐ ܩܛܪܬܗ ܒܥܘܕܪܢ ܥܡ ܩܢܛܪܘܢ ܕܝܘܢܢ ܗܘܙܝܐ ܕܒܘܨܝ̈ܐ ܘܕܪ̈ܫܝܬܐ ܕܥܬܝܕܝ̈ܐ ܓܘ ܪܘܣܬܩܐ ܕܥܢܟܒܐ ܒܗܘܦܪܟܝܐ ܕܐܪܒܝܠ.
ܘܦܝܫ ܕܟܝܪܐ، ܕ(ܡܣܐܪܐܬ) ܝܠܗܿ ܡܫܬܐܣܬܐ ܠܐ ܪܒܼܚܝܬܐ ܘܕܝܠܢܝܬܐ ܒܕܪܫܬܐ ܕܒܨܘܪ̈ܘܬܐ ܘܥܘܗܕܢܐ ܟܢܫܝܐ ܘܕܘܪܫܐ ܕܬܘܕܝ̈ܬܐ ܡܣܘܓܼܠ̈ܐ ܪܘܫܡܐܝܬ ܓܘ ܥܝܪܩ، ܘܦܪܣܐ ܡܫܬܐܣܬܐ ܡܢܝܢܐ ܡܢ ܟܬܒ̈ܐ ܘܕܪ̈ܫܝܬܐ ܕܝܠܢܝ̈ܐ ܓܘ ܓܝܓܼܠܐ ܕܣܓܝܐܘܬܐ ܡܪܕܘܬܢܝܬܐ ܘܣܦܪܝܘܬܐ ܘܬܫܥܝܬܐ ܘܝܘܠܦܢ ܟܢܘܫܝܝܘܬܐ.
