ܩܝܡܠܗܿ ܡܫܕܪܘܬܐ ܡܢ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ، ܝܘܡ ܚܕܒܫܒܐ 7 ܐܝܠܘܠ 2025، ܒܣܥܘܪܘܬܐ ܕܒܝܬ ܣܡܟܐ ܕܐܟܐܕ ܥܢܟܒܐ ܐܬܠܝܛܝܐ ܒܡܫܪܝܗ ܪܫܝܐ ܒܪܘܣܬܩܐ ܕܥܢܟܒܐ، ܠܡܩܪܒܬܐ ܕܗܘܢܝ̈ܐ ܘܒܪ̈ܟܝܬܐ ܒܕܟܪܐ ܕ(33) ܠܫܬܐܣܬܗ، ܘܝܗ̄ܘܘ ܒܣܩܒܠܬܐ ܕܡܫܕܪܘܬܐ ܪܫܐ ܕܓܘܫܡܐ ܡܕܒܪܢܝܐ ܕܒܝܬ ܣܡܟܐ (ܫܘܩܝ ܝܘܣܦ) ܘܡܢܝܢܐ ܡܢ ܗܕܡ̈ܐ ܕܓܘܫܡܐ ܡܕܒܪܢܝܐ.
ܘܡܘܩܪܒܠܗܘܢ ܗܕܡ̈ܐ ܕܡܫܕܪܘܬܐ ܒܡܬܚܐ ܕܣܥܘܪܘܬܐ، ܗܘܢܝ̈ܐ ܘܒܪ̈ܟܝܬܐ ܠܡܕܒܪܢܘܬܐ ܘܟܕܝܪ̈ܐ ܘܡܛܐܠܢ̈ܐ ܕܒܝܬ ܣܡܟܐ، ܒܦܘܪܣܐ ܕܕܟܪܐ ܫܢ̄ܬܢܝܐ ܕ(33) ܠܫܬܐܣܬܗ، ܘܩܘܠܣܠܗܘܢ ܒܝܬ ܥܕܢܐ ܥܠ ܫܘܡܠܝ̈ܐ ܕܟܡ ܫܪܪܠܗܘܢ ܒܝܬ ܣܡܟܐ ܒܡܐܙܠܬܗ ܐܬܠܝܛܝܬܐ، ܘܫܘܪܪܠܗܘܢ ܕܒܝܬ ܣܡܟܐ ܦܝܫ ܡܚܘܫܒܢܐ ܡܒܘܥܐ ܕܫܘܒܗܪܐ ܠܟܠ ܒܢܝ̈ ܥܡܢ.
ܘܡܛܘܝܡܢܗܿ ܡܫܕܪܘܬܐ ܒܬܦܩܬܐ ܠܥܡܠ̈ܐ ܕܟܕܝܪܐ ܕܪܫܘܬܢܝܐ ܘܡܕܒܪܢܝܐ ܕܒܝܬ ܣܡܟܐ ܥܠ ܫܘܡܠܝ̈ܐ ܕܦܝܫܠܗܘܢ ܡܫܘܪܪܐ، ܘܒܥܐܠܗܿ ܠܝܗܝ ܙܘܕܐ ܡܢ ܢܨܝܚܘܬܐ ܘܫܘܘܫܛܐ ܒܡܘܪ̈ܝܐ ܐܬܝܢ̈ܐ، ܕܘܟܬܢܝ̈ܐ ܘܬܒܝܠܝ̈ܐ.
ܘܚܒܫܠܗܿ ܡܫܕܪܘܬܐ ܣܥܘܪܬܐ ܡܕܒܪܢܐ ܓܘܢܝܐ ܡܝܩܪܐ (ܟܠܕܘ ܪܡܙܝ ܐܘܓܼܢܐ)، ܡܕܒܪܢܐ ܕܒܝܬ ܥܬܝܩ̈ܬܐ ܕܝܪܬܘܬܐ ܣܘܪܝܝܬܐ ܡܝܩܪܐ ( ܒܪܢܐܪܕ ܝܘܣܦ)، ܘܡܢܝܢܐ ܡܢ ܫܕܬܢ̈ܐ ܕܡܕܒܪܢܘܬܐ.
