ܣܥܪܠܗܿ ܡܫܕܪܘܬܐ ܡܢ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܫܘܠܛܢܘܬܐ ܕܩܠܝܡܐܬ ܕܟܘܪܕܣܬܢ، ܝܘܡ ܐܪܒܥܒܫܒܐ 25 ܐܝܠܘܠ 2024، ܠܒܝܬ ܣܡܟܼܐ ܕܥܠܝܡ̈ܐ ܕܥܢܟܒܐ ܟܢܘܫܝܝܐ، ܠܡܩܪܒܬܐ ܕܗܘܢܝ̈ܐ ܘܒܪ̈ܟܼܝܬܐ ܒܦܘܪܣܐ ܕܥܒܼܪܬܐ ܕܥܣܪܝܢ ܘܬܪܝܢ ܕܫܘܬܐܣܗ، ܘܝܗ̄ܘܐ ܒܣܩܒܠܬܗܿ ܪܫ ܒܝܬ ܣܡܟܼܐ (ܟܢܐܪ ܒܐܣܐ ܒܪܐܝܡܘܟ).
ܘܚܒܼܫܠܗܿ ܡܫܕܪܘܬܐ ܣܥܘܪܬܐ ܡܕܒܪܢܐ ܓܘܢܝܐ ܡܝܩܪܐ (ܟܠܕܘ ܪܡܙܝ ܐܘܓܼܢܐ)، ܘܡܕܒܪܢܐ ܕܒܝܬ ܥܬܝܩ̈ܬܐ ܕܝܪܬܘܬܐ ܣܘܪܝܝܬܐ ܡܝܩܪܐ (ܒܪܢܐܪܕ ܝܘܣܦ) ، ܘܡܢܝܢܐ ܡܢ ܫܕܬܢ̈ܐ ܕܡܕܒܪܢܘܬܐ، ܟܕ ܡܘܩܪܒܼܠܗܿ ܡܫܕܪܘܬܐ ܗܘܢܝ̈ܐ ܒܦܘܪܣܐ ܕܕܟܼܪܐ ܕܥܣܪܝܢ ܘܬܪܝܢ ܕܫܘܬܐܣܐ ܕܒܝܬ ܣܡܟܼܐ، ܘܛܠܒܠܥܗܘܢ ܡܢܬܝܬܐ ܘܢܨܝܚܘܬܐ ܠܓܘܫܡܐ ܡܕܒܪܢܝܐ ܘܟܠ ܗܕܡ̈ܐ ܕܒܝܬ ܣܡܟܼܐ.
ܘܕܪܫܠܗܘܢ ܬܪܘܝܗܝ ܓܢ̄ܒܢ̈ܐ ܒܣܘܘܕܝܗܝ ܠܚܝܠܢܬܐ ܕܐܘܦܩ̈ܐ ܕܥܘܕܪܢܐ ܡܫܘܬܦܐ ܒܥܒܼܕܬܐ ܕܟܫܝܪ̈ܘܬܐ ܕܥܬܝܕܝ̈ܐ ܠܬܫܡܫܬܐ ܕܥܠܝܡܘܬܐ ܕܥܡܢ، ܘܡܚܘܬܬܠܗܘܢ ܥܠ ܓܪܐ ܕܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܦܪܣܬܐ ܕܥܝܪܘܬܐ ܡܪܕܘܬܢܝܬܐ ܘܢܛܪܬܐ ܕܝܪܬܘܬܐ ܕܥܡܢ ܒܥܝܪܩ ܘܩܠܝܡܐ ܕܟܘܪܕܣܬܢ.
