ܣܥܪܠܗܿ ܡܫܕܪܘܬܐ ܡܢ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܫܘܠܛܢܘܬܐ ܕܩܠܝܡܐ ܕܟܘܪܕܣܬܢ، ܝܘܡ ܬܪܝܢܒܫܒܐ 3 ܚܙܝܪܢ 2024، ܡܕܒܪܢܘܬܐ ܕܫܝܢܐ (ܐܣܐܝܫ) ܘܚܘܕܪܐ ܕܦܝܕܬܐ ܕܥܢܟܒܐ، ܠܡܩܪܒܬܐ ܕܗܘܢܝ̈ܐ ܘܒܪ̈ܟܝܬܐ ܠܬܪܝܢ ܡܕܒܪ̈ܢܐ ܕܬܪܝܬܝܢ ܡܕܒܪ̈ܢܘܬܐ ܒܦܘܪܣܐ ܕܡܕܪܓܼܢܘܬܝܗܝ (ܡܪܡܝܬܝܗܝ) ܚܕܬܐ.
ܘܚܒܫܠܗܿ ܡܫܕܪܘܬܐ ܣܥܘܪܬܐ ܡܕܒܪܢܐ ܓܘܢܝܐ ܡܝܩܪܐ “ܟܠܕܘ ܐܘܓܼܢܐ”، ܘܡܕܒܪܢܐ ܕܒܝܬ ܥܬܝܩ̈ܬܐ ܕܝܪܬܘܬܐ ܣܘܪܝܝܬܐ ܡܝܩܪܐ “ܒܪܢܐܪܕ ܝܘܣܦ” ܘܡܢܝܢܐ ܡܢ ܫܕܬܢ̈ܐ ܕܡܕܒܪܢܘܬܐ، ܟܕ ܡܘܩܪܒܠܗ ܡܫܕܪܘܬܐ ܗܘܢܝ̈ܐ ܘܒܪ̈ܟܼܝܬܐ ܠܡܕܒܪܢܐ ܕܫܝܢܐ (ܐܣܐܝܫ) ܕܥܢܟܒܐ ܒܘܟܼܢܐ “ܣܪܗܢܟ ܬܘܦܿܝܼܩ”، ܘܡܕܒܪܢܐ ܕܦܝܕܬܐ ܕܥܢܟܒܐ ܐܚܝܕܐ “ܪܙܓܐܪ ܛܝܒܿ” ܒܦܘܪܣܐ ܕܡܕܪܓܼܢܘܬܝܗܝ (ܡܪܡܝܬܝܗܝ) ܚܕܬܐ، ܘܒܥܐܠܗܘܢ ܠܝܗܝ ܡܢܬܝܢܐ ܘܢܨܝܚܘܬܐ ܓܘ ܦܘܠܚܢܝ̈ܗܝ.
