ܩܝܡܠܗܿ ܡܫܕܪܘܬܐ ܡܢ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ، ܝܘܡ ܐܪܒܥܒܫܒܐ 14 ܐܝܪ 2025، ܒܣܥܘܪܘܬܐ ܠܡܫܪܝܐ ܓܘܢܝܐ ܕܡܘܬܒܐ ܥܡܡܝܐ ܟܠܕܝܐ ܣܘܪܝܝܐ ܐܬܘܪܝܐ ܓܘ ܥܢܟܒܐ، ܠܡܩܪܒܬܐ ܕܗܘܢܝ̈ܐ ܘܒܪ̈ܟܝܬܐ ܒܦܘܪܣܐ ܕܕܟܪܐ ܕ(18) ܕܫܬܐܣܬܗ، ܘܝܗ̄ܘܘ ܒܣܩܒܠܬܝܗܝ ܪܫ ܡܘܬܒܐ (ܓ̰ܡܝܠ ܙܝܬܘ) ܘܡܢܝܢܐ ܡܢ ܗܕܡ̈ܐ ܕܓܘܫܡܐ ܦܩܘܕܝܐ ܓܘ ܡܘܬܒܐ.
ܘܚܒܫܠܗܿ ܡܫܕܪܘܬܐ ܣܥܘܪܬܐ ܡܕܒܪܢܐ ܓܘܢܝܐ ܡܝܩܪܐ (ܟܠܕܘ ܪܡܙܝ ܐܘܓܼܢܐ)، ܘܡܕܒܪܢܐ ܕܒܝܬ ܥܬܝܩ̈ܬܐ ܕܝܪܬܘܬܐ ܣܘܪܝܝܬܐ ܡܝܩܪܐ (ܒܪܢܐܪܕ ܝܘܣܦ)، ܘܡܕܒܪܢܐ ܕܡܕܒܪܢܘܬܐ (ܦܘܐܐܕ ܫܡܥܘܢ)، ܘܡܕܒܪܢܝܬܐ ܕܒܝܬ ܐܪ̈ܟܐ (ܦܝܚܐܐ ܫܡܥܘܢ)، ܘܡܢܝܢܐ ܡܢ ܫܕܬܢ̈ܐ ܕܡܕܒܪܢܘܬܐ، ܟܕ ܡܘܩܪܒܠܗܿ ܡܫܕܪܘܬܐ ܗܘܢܝ̈ܐ ܒܦܘܪܣܐ ܕܕܟܪܐ ܕ(18) ܕܫܬܐܣܬܐ ܕܡܘܬܒܐ ܥܡܡܝܐ ܟܠܕܝܐ ܣܘܪܝܝܐ ܐܬܘܪܝܐ، ܚܕ ܡܢ ܓܒ̈ܐ ܕܥܡܢ ܥܒܘܕ̈ܐ ܓܘ ܥܝܪܩ ܘܩܠܝܡܐ ܕܟܘܪܕܣܬܢ.
ܘܕܪܫܠܗܘܢ ܬܪܘܝܗܝ ܓܢ̄ܒܢ̈ܐ ܒܣܘܘܕܝܗܝ ܠܚܝܠܢܬܐ ܕܐܘܦܩ̈ܐ ܆ܕܥܘܕܪܢܐ ܡܫܘܬܦܐ، ܘܫܘܪܪܠܗ (ܐܘܓܼܢܐ) ܕܬܪ̈ܥܐ ܕܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܦܬܝܚ̈ܐܠܗܘܢ ܠܥܘܕܪܢܐ ܥܡ ܟܠ ܫܘܬܐܣ̈ܐ ܠܬܫܡܫܬܐ ܕܝܪܬܘܬܐ ܕܥܡܢ.
