ܩܝܡܠܗܿ ܡܫܕܪܘܬܐ ܡܢ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ، ܝܘܡ ܬܪܝܢܒܫܒܐ 31 ܐܕܪ 2025، ܒܣܥܘܪܘܬܐ ܕܡܫܪܝܐ ܕܡܛܟܣܬܐ ܕܟܠܕܘ ܐܫܘܪ ܕܓܒܐ ܕܫܝܘܥܝ ܟܘܪܕܣܬܢܝܐ ܓܘ ܥܢܟܒܐ، ܠܡܩܪܒܬܐ ܕܗܘܢܝ̈ܐ ܘܒܪ̈ܟܝܬܐ ܒܦܘܪܣܐ ܕܕܟܪܐ ܕ(91) ܠܫܬܐܣܬܐ ܕܓܒܐ ܕܫܝܘܥܝ ܥܝܪܩܝܐ، ܘܝܗ̄ܘܘ ܒܣܩܒܠܬܝܗܝ ܡܢܝܢܐ ܡܢ ܗܕܡ̈ܐ ܕܡܛܟܣܬܐ ܦܠܚܬܐ ܒܪܘܣܬܩܐ ܕܥܢܟܒܐ ܒܗܘܦܪܟܝܐ ܕܐܪܒܝܠ ܒܩܠܝܡܐ ܕܟܘܪܕܣܬܢ.
ܘܚܒܫܠܗܿ ܡܫܕܪܘܬܐ ܣܥܘܪܬܐ ܡܕܒܪܢܐ ܓܘܢܝܐ ܡܝܩܪܐ (ܟܠܕܘ ܪܡܙܝ ܐܘܓܼܢܐ)، ܘܡܕܒܪܢܐ ܕܒܝܬ ܥܬܝܩ̈ܬܐ ܕܝܪܬܘܬܐ ܣܘܪܝܝܬܐ ܡܝܩܪܐ ( ܒܪܢܐܪܕ ܝܘܣܦ) ܘܡܢܝܢܐ ܡܢ ܫܕܬܢ̈ܐ ܕܡܕܒܪܢܘܬܐ، ܘܡܘܩܪܒܠܗܿ ܡܫܕܪܘܬܐ ܗܘܢܝ̈ܗܿ ܒܦܘܪܣܐ ܕܕܟܪܐ ܕ(91) ܠܫܬܐܣܬܐ ܕܓܒܝܐ ܕܫܝܘܥܝ ܥܝܪܩܝܐ، ܕܦܝܫ ܡܚܘܫܒܢܐ ܚܕ ܡܢ ܓܒ̈ܐ ܒܘܫ ܫܪ̈ܫܝܐ ܦܠܚ̈ܐ ܓܘ ܥܝܪܩ.
ܘܕܪܫܠܗܘܢ ܬܪܘܝܗܝ ܓܢ̄ܒܢ̈ܐ ܒܣܘܘܕܝܗܝ ܠܚܝܠܢܬܐ ܕܐܘܦܩ̈ܐ ܕܥܘܕܪܢܐ ܡܫܘܬܦܐ، ܦܪܝܫܐܝܬ ܕܓܒܐ ܕܫܝܘܥܝ ܚܒܫ ܟܕܝܪ̈ܐ ܕܥܡܢ ܥܒܘܕ̈ܐ ܓܘ ܐܣ̈ܗ ܒܩܠܝܡܐ ܕܟܘܪܕܣܬܢ، ܘܫܘܪܪܠܗ (ܐܘܓܼܢܐ) ܕܬܪ̈ܥܐ ܕܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܦܬܝܚ̈ܐܠܗܘܢ ܠܥܘܕܪܢܐ ܥܡ ܟܠ ܫܘܬܐܣ̈ܐ، ܠܬܫܡܫܬܐ ܕܝܪܬܘܬܐ ܘܡܪܕܘܬܐ ܕܥܡܢ.
