ܩܝܡܠܗܿ ܡܫܕܪܘܬܐ ܡܢ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ، ܝܘܡ ܐܪܒܥܒܫܒܐ 7 ܐܝܪ 2025، ܒܣܥܘܪܘܬܐ ܠܩܢܛܪܘܢ ܬܟܕܝܡܝܐ ܟܢܘܫܝܝܐ ܓܘ ܥܢܟܒܐ، ܠܡܩܪܒܬܐ ܕܗܘܢܝ̈ܐ ܒܕܟܪܐ ܕܥܣܪܝܢ ܠܫܬܐܣܬܗ، ܘܝܗ̄ܘܘ ܒܣܩܒܠܬܐ ܕܡܫܕܪܘܬܐ ܪܫ ܓܘܫܡܐ ܡܕܒܪܢܝܐ ܕܩܢܛܪܘܢ (ܓ̰ܠܐܠ ܚܒܝܒ) ܘܡܢܝܢܐ ܡܢ ܗܕܡ̈ܐ ܕܓܘܫܡܐ ܡܕܒܪܢܝܐ.
ܘܚܒܫܠܗܿ ܡܫܕܪܘܬܐ ܕܡܕܒܪܢܘܬܐ ܡܕܒܪܢܐ ܓܘܢܝܐ ܡܝܩܪܐ (ܟܠܕܘ ܪܡܙܝ ܐܘܓܼܢܐ)، ܘܡܢܝܢܐ ܡܢ ܫܕܬܢ̈ܐ ܕܡܕܒܪܢܘܬܐ، ܟܕ ܡܘܩܪܒܠܗܿ ܡܫܕܪܘܬܐ ܒܡܬܚܐ ܕܣܥܘܪܘܬܐ ܗܘܢܝ̈ܐ ܘܒܪ̈ܟܝܬܐ ܠܓܘܫܡܐ ܡܕܒܪܢܝܐ ܕܩܢܛܪܘܢ، ܘܒܥܐܠܗܿ ܠܝܗܝ ܡܢܬܝܬܐ ܘܢܨܝܚܘܬܐ ܠܬܫܡܫܬܐ ܕܥܡܢ.
ܘܩܘܠܣܠܗ (ܐܘܓܼܢܐ) ܓܘ ܬܦܩܬܐ ܒܓܪܐ ܕܩܢܛܪܘܢ ܐܟܕܝܡܝܐ ܟܢܘܫܝܝܐ ܓܘ ܥܒܘܕܘ̈ܬܐ ܘܥܕܥܐܕ݁̈ܐ ܐܢܝ ܡܛܟܣܐܠܗܘܢ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ، ܘܫܘܪܪܠܗ ܥܠ ܐܢܢܩܝܘܬܐ ܕܥܘܕܪܢܐ ܒܝܢ ܫܘܬܐܣ̈ܐ ܕܥܡܢ ܓܘ ܥܒܘܕܘ̈ܬܐ ܟܢܘܫܝܝ̈ܐ ܡܫܚܠܦ̈ܐ، ܘܪܡܙܠܗ ܕܬܪ̈ܥܐ ܕܡܕܒܪܢܘܬܐ ܓܘܢܝܬܐ ܦܬܝܚ̈ܐܝܠܗܘܢ ܒܐܡܝܢܘܬܐ ܠܥܘܕܪܢܐ ܥܡ ܟܠ ܫܘܬܐܣ̈ܐ ܠܛܘܪܢܬܐ ܕܩܐܡ ܡܪܕܘܬܢܝܐ ܕܥܡܢ.
