ܣܥܪܠܗܿ ܡܫܕܪܘܬܐ ܡܢ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܪܫܢܘܬܐ ܕܡܕܒܪܢܐ ܓܘܢܝܐ ܡܝܩܪܐ (ܟܠܕܘ ܪܡܙܝ ܐܘܓܼܢܐ)، ܝܘܡ ܐܪܒܥܒܫܒܐ 23 ܬܫܪܝܢ ܩܕܡܝܐ 2024، ܣܦܪܐ ( ܣܥܝܕ ܫܐܡܝܐ)، ܠܒܩܪܬܐ ܥܠ ܚܘܠܡܢܗ ܘܢܩܝܦܘܬܐ ܕܦܘܠܚܢ̈ܗ ܡܪ̈ܕܘܬܢܝܐ ܘܣܦܪ̈ܝܐ ܒܡܬܚܐ ܐ̄ܚܪܝܐ.
ܘܕܪܫܠܗܘܢ ܬܪܘܝܗܝ ܓܢ̄ܒܢ̈ܐ ܒܣܘܘܕܝܗܝ ܩܐܡ ܡܪܕܘܬܢܝܐ ܕܥܡܢ ܘܫܒܝ̈ܠܐ ܚܫܝܚ̈ܐ ܠܛܘܘܪܗ ܘܐܡܝܢܝܘܬܗ، ܘܩܘܠܣܠܗ (ܐܘܓܼܢܐ) ܒܡܐܙܠܬܐ ܕܣܦܪܐ (ܣܥܝܕ ܫܐܡܝܐ) ܗܝ ܡܠܝܬܐ ܡܢ ܡܘܗܒܬܐ ܘܫܘܬܦܝ̈ܬܗ ܛܝܡܢ̈ܐ ܒܢܝܫܐ ܕܛܘܪܢܬܐ ܕܩܐܡ ܡܪܕܘܬܢܝܐ ܕܥܡܢ، ܘܚܘܬܬܠܗ ܕܬܪ̈ܥܐ ܕܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܦܬܝܚ̈ܐܠܗܘܢ ܠܥܘܕܪܢܐ ܥܡ ܟܠܝܗܝ ܦܪ̈ܨܘܦܐ ܘܫܘܬܐܣ̈ܐ، ܠܬܫܡܫܬܐ ܕܝܪܬܘܬܐ ܘܡܪܕܘܬܐ ܕܥܡܢ.
