ܣܘܩܒܠܗ ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܡܝܩܪܐ (ܟܠܕܘ ܪܡܙܝ ܐܘܓܼܢܐ)، ܓܘ ܒܢܝܢܐ ܕܡܕܒܪܢܘܬܐ ܒܪܘܣܬܩܐ ܕܥܢܟܒܐ ، ܝܘܡ ܬܠܬܒܫܒܐ 17 ܟܢܘܢ ܩܕܡܝܐ 2024 ، ܐܡܢܬܐ ܘܡܙܡܪܢܝܬܐ ܠܒܢܢܝܬܐ (ܠܝܐܠ ܢܥܡܐ) ، ܗܝ ܡܫܘܬܦܐ ܓܘ ܙܘܝܚܐ ܕܫܪܝܬܐ ܕܥܒܘܕܘ̈ܬܐ ܕܥܕܥܐܕܐ ܕܥܢܟܒܐ ܟܪܝܣܡܣ ܒܕܘܪܬܗ ܪܒܝܥܝܬܐ، ܗܘ ܒܦܝܫ ܥܒܝܕܐ ܥܡ ܥܐܕ̈ܐ ܕܡܘܠܕܐ ܘܪܫܐ ܕܫܢ̄ܬܐ ܚܕܬܐ.
ܘܕܪܫܠܗܘܢ ܬܪܘܝܗܝ ܓܢ̄ܒܢ̈ܐ ܒܣܘܘܕܝܗܝ ܠܟܫܝܪ̈ܘܬܐ ܘܥܒܘܕܘ̈ܬܐ ܒܫ ܐܢܢܩܝ̈ܐ ܐܢܝ ܡܛܟܣܐܠܗܘܢ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ، ܘܐܢܢܩܝܘܬܐ ܕܢܛܪܬܐ ܕܝܪܬܘܬܐ ܕܥܡܢ ܘܡܪܕܘܬܗ ܘܫܒܝ̈ܠܐ ܕܛܘܪܢܬܝܗܝ ܒܥܝܪܩ ܘܦܢܝܬܐ، ܘܫܘܪܪܠܗ (ܐܘܓܼܢܐ) ܕܬܪ̈ܥܐ ܕܡܕܒܪܢܘܬܐ ܓܘܢܝܬܐ ܦܬܝܚ̈ܐܠܗܘܢ ܠܥܘܕܪܢܐ ܥܡ ܟܠܝܗܝ ܫܘܬܐܣ̈ܐ ܘܦܪ̈ܨܘܦܐ ܠܬܫܡܫܬܐ ܕܝܪܬܘܬܐ ܘܡܪܕܘܬܢ.
ܘܡܘܝܕܥ ܗ̄ܘܐܠܗܿ ܣܝܥܬܐ ܡܛܟܣܢܝܬܐ ܕܥܕܥܐܕܐ ܕܥܢܟܒܐ ܟܪܝܣܡܣ، ܒܡܬܚܐ ܐ̄ܚܪܝܐ ܥܠ ܫܘܬܦܬܐ ܕܐܡܢܬܐ ܘܡܙܡܪܢܝܬܐ ܠܒܢܢܝܬܐ (ܠܝܐܠ ܢܥܡܐ)، ܒܙܘܝܚܐ ܕܫܪܝܬܐ ܕܥܒܘܕܘ̈ܬܐ ܕܥܕܥܐܕܐ ܒܕܘܪܬܗ ܪܒܝܥܝܬܐ، ܘܗܘ ܒܦܝܫ ܥܒܝܕܐ ܒܣܝܩܘܡ 20 ܡܢ ܝܪܚܐ ܩܐܡܝܐ، ܒܫܘܬܦܬܐ ܕܟܘܪܐܠ ܣܝܥܬܐ ܕܙܡܪ̈ܐ ܙܥܘܪ̈ܐ ܕܥܕܬܐ ܟܠܕܝܬܐ ܓܘ ܥܢܒܟܐ.
