ܣܘܩܒܠܗ ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܡܝܩܪܐ (ܟܠܕܘ ܪܡܙܝ ܐܘܓܼܢܐ)، ܓܘ ܒܢܝܢܐ ܕܡܕܒܪܢܘܬܐ ܒܪܘܣܬܩܐ ܕܥܢܟܒܐ، ܝܘܡ ܐܪܒܥܒܫܒܐ 16 ܢܝܣܢ 2025، ܗܕܡܐ ܕܢܛܪ ܐ̄ܪܙܘܬܐ ܕܟܢܘܫܬܐ ܕܥܠܝܡܘܬܐ ܟܢܘܫܝܝܬܐ ܘܡܪܕܘܬܢܝܬܐ ܐܬܘܪܝܬܐ ܓܘ ܐܘܣܬܪܠܝܐ (ܐܕܘܐܪ ܐܕܡ ܐܝܫܘ).
ܘܕܪܫܠܗܘܢ ܬܪܘܝܗܝ ܓܢ̄ܒܢ̈ܐ ܒܣܘܘܕܝܗܝ ܥܠ ܐܢܢܩܝܘܬܐ ܕܚܘܕܬܐ ܘܬܟܢܘܠܘܓ̰ܝܐ ܒܢܛܪܬܐ ܕܝܪܬܘܐ ܕܥܡܢ، ܘܡܨܝܢܘܬܐ ܕܡܦܪܝܬܐ ܕܐܢܝ ܡܐܢ̈ܐ ܒܢܛܪܬܐ ܕܝܪܬܘܬܢ ܘܠܫܢܢ ܡܢ ܬܠܩܬܐ، ܘܫܘܪܪܠܗ (ܐܘܓܼܢܐ) ܥܠ ܐܢܢܩܝܘܬܐ ܕܥܘܕܪܢܐ ܡܫܘܬܦܐ ܒܝܢ ܫܘܬܐܣ̈ܐ ܕܥܡܢ ܒܐܬܪܐ ܘܓܠܘܬܐ، ܠܣܢܕܬܐ ܕܗܝܝܘܬܐ ܡܪܕܘܬܢܝܬܐ ܕܥܡܢ ܘܚܝܠܢܬܗܿ.
ܘܦܝܫ ܕܟܝܪܐ، ܕܟܢܘܫܬܐ ܕܥܠܝܡܘܬܐ ܟܢܘܫܝܝܬܐ ܘܡܪܕܘܬܢܝܬܐ ܐܬܘܪܝܬܐ ܘܗܝ ܝܕܝܥܬܐ ܒܟܪܝܘܬܐ ܒ (ACSYA Inc) ، ܦܝܫܐ ܝܕܥܬܐ ܒܚܕܐ ܡܛܟܣܬܐ ܩܝܡܬܐ ܒܝܬܗܿ (ܚܐܪܬܐ) ܠܐ ܪܒܚܝܬܐ ܘܡܫܪܝܗܿ ܪܫܝܐ ܓܘ ܐܘܣܬܪܠܝܐ، ܘܢܝܫܐ ܐܣܝܐ ܕܡܛܟܣܬܐ ܝܠܗ ܦܘܠܚܢܐ ܠܢܛܪܬܐ ܕܡܪܕܘܬܐ ܐܬܘܪܝܬܐ ܫܪܫܝܬܐ ܘܚܡܝܬܗܿ.