ܣܘܩܒܠܗ ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܡܝܩܪܐ (ܟܠܕܘ ܪܡܙܝ ܐܘܓܼܢܐ)، ܘܡܕܒܪܢܐ ܕܒܝܬ ܥܬܝܩ̈ܬܐ ܕܝܪܬܘܬܐ ܣܘܪܝܝܬܐ ܡܝܩܪܐ ( ܒܪܢܐܪܕ ܝܘܣܦ)، ܝܘܡ ܥܪܘܒܬܐ 13 ܟܢܘܢ ܩܕܡܝܐ 2024، ܒܒܢܝܢܐ ܕܡܕܒܪܢܘܬܐ ܒܪܘܣܬܩܐ ܕܥܢܟܒܐ، ܡܫܕܪܘܬܐ ܡܢ ܡܛܟܣܬܐ ܕ(Family Search) ܐܡܪܝܟܝܬܐ، ܚܒܫܠܗܿ ܟܠ ܡܢ (ܓ̰ܘܢܐܬܢ ܡܐܟܘܠܘܡ) ܘ(ܪܘܠܐ ܫܠܗܘܒ).
ܘܕܪܫܠܗܘܢ ܬܪܘܝܗܝ ܓܢ̄ܒܢ̈ܐ ܒܣܘܘܕܝܗܝ ܚܕܪ ܬܪܡܝܬܐ ܗܝ ܒܕ ܩܝܡ ܒܝܬ ܥܬܝܩ̈ܬܐ ܕܝܪܬܘܬܐ ܣܘܪܝܝܬܐ ܒܬܡܡܬܗ ܓܘ ܪܩܡܢܬܐ ܕܒܝܬܘܝ̈ܬܐ ܕܥܡܢ ܒܐܪܫܦܬܝܗܝ ܕܗܘܝ ܒܐܝܕܐ ܕܒܨܘܝ̈ܐ.
ܘܒܚܘܬܡܐ ܕܬܦܩܬܐ، ܡܘܩܪܒܠܗ (ܐܘܓܼܢܐ) ܠܬܪܝܢ ܐܪ̈ܚܐ ܣܥܘܪ̈ܐ، ܢܘܣܟܐ ܡܢ ܡܢܝܢܐ ܐ̄ܚܪܝܐ ܡܢ ܡܓܠܬܐ ܕ(ܒܢܐܦܠ) ܗܝ ܕܢܦܩܐ ܐܩܡܐܝܬ ܡܢ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ .