ܣܘܩܒܠܗ ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܩܠܝܡܐ ܕܟܘܪܕܣܬܢ ܡܝܩܪܐ (ܟܠܕܘ ܪܡܙܝ ܐܘܓܼܢܐ)، ܓܘ ܒܢܝܢܐ ܕܡܕܒܪܢܘܬܐ ܒܪܘܣܬܩܐ ܕܥܢܟܒܐ، ܝܘܡ ܐܪܒܥܒܫܒܐ 6 ܐܒ 2025، ܪܫ ܫܘܬܐܣܐ ܕܫܘܘܚܐ (ܡܪܒܝܬܐ) ܕܚܝܘܬܐ ܕܒܝܬܘܬܐ ܓܘ ܫܝܟܓܼܘ ܐܡܪܝܟܝܬܐ، ܩܫܝܫܐ (ܝܘܢܢ ܫܝܢܐ)، ܘܥܡܗ ܟܬܘܒܐ ܘܣܦܪܐ (ܢܝܢܒ ܠܡܣܘ).
ܘܕܪܫܠܗܘܢ ܬܪܘܝܗܝ ܓܢ̄ܒܢ̈ܐ ܒܣܘܘܕܝܗܝ ܟܫܝܪ̈ܘܬܐ ܘܥܒܘܕܘ̈ܬܐ ܐܢܝ ܡܛܟܣܐܠܗܘܢ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܓܘ ܦܢܝ̈ܬܐ ܡܫܚܠܦ̈ܐ ܕܥܡܢ، ܘܐܢܢܩܝܘܬܐ ܕܢܛܪܬܐ ܕܝܪܬܘܬܐ ܕܥܡܢ ܘܡܪܕܘܬܗ ܘܫܒܝܠ̈ܐ ܕܛܘܪܢܬܝܗܝ ܒܥܝܪܩ ܘܩܠܝܡܐ ܕܟܘܪܕܣܬܢ، ܘܫܘܪܪܠܗ (ܐܘܓܼܢܐ) ܕܬܪ̈ܥܐ ܕܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܦܬܝܚ̈ܐܝܠܗܘܢ ܠܥܘܕܪܢܐ ܥܡ ܟܠ ܦܪ̈ܨܘܦܐ ܘܫܘܬܐܣ̈ܐ ܒܐܬܪܐ ܘܓܠܘܬܐ، ܠܬܫܡܫܬܐ ܕܝܪܬܘܬܢ ܘܡܪܕܘܬܢ.
ܘܦܝܫ ܡܚܘܫܒܢܐ ܩܫܝܫܐ (ܝܘܢܢ ܫܝܢܐ)، ܐܘܡܢܐ ܣܘܟܡܝܐ، ܘܐܝܬܠܗ ܡܢܝܢܐ ܡܢ ܒܬܝ̈ ܓܠܚ̈ܐ ܦܪ̈ܨܘܦܝܐ ܓܘ ܐܘܚܕܢ̈ܐ ܡܚܝܕ̈ܐ ܐܡܪ̈ܝܟܝܐ، ܥܡ ܫܘܬܦܝ̈ܬܐ ܓܘ ܒܬܝ̈ ܓܠܚ̈ܐ ܬܒܝܠܝ̈ܐ.
