ܩܝܡܠܗܿ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܩܠܝܡܐ ܕܟܘܪܕܣܬܢ، ܒܝܘܡ ܚܡܫܒܫܒܐ 11 ܐܝܠܘܠ 2025، ܓܘ ܐܘܢܐ ܕܒܝܬ ܥܬܝܩ̈ܬܐ ܕܝܪܬܘܬܐ ܣܘܪܝܝܬܐ ܒܪܘܣܬܩܐ ܕܥܢܟܒܐ، ܒܚܕ ܙܘܝܚܐ ܕܡܝܩܪܢܘܬܐ ܕܡܓܘܒܝ݁̈ܐ ܡܢ ܟܕܝܪ̈ܐ ܡܕܪ̈ܫܬܢܝܐ ܘܡܠܦܢܘܬܢܝ̈ܐ، ܐܢܝ ܕܫܘܬܦܠܗܘܢ ܒܥܡܠܝ̈ܗܝ ܒܢܨܝܚܘܬܐ ܕܟܫܝܪ̈ܘܬܐ ܘܥܒܘܕܘ̈ܬܐ ܐܢܝ ܕܩܝܡܐ ܓܘܝܗܝ ܡܕܒܪܢܘܬܐ ܒܥܢܟܒܐ.
ܘܫܘܪܪܠܗ ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܡܝܩܪܐ (ܟܠܕܘ ܪܡܙܝ ܐܘܓܼܢܐ)، ܒܡܡܠܗ ܒܙܘܝܚܐ ܕܡܝܩܪܢܘܬܐ: (ܐܝܬܠܢ ܐܝܩܪܐ ܐܕܝܘܡ ܒܡܝܩܪܢܘܬܐ ܕܡܢܝܢܐ ܡܢ ܡܠܦܢ̈ܐ ܘܡܕܪ̈ܫܢܐ ܕܪܘܣܬܩܐ ܕܥܢܟܒܐ ܐܢܝ ܕܫܘܬܦܠܗܘܢ ܒܥܡܠܝ̈ܗܝ ܛܝܡܢ̈ܐ ܒܢܨܝܚܘܬܐ ܕܟܫܝܪ̈ܘܬܐ ܙܥܒܘܕܘ̈ܬܐ ܐܢܝ ܕܩܝܡܐ ܓܘܝܗܝ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ، ܘܪܡܙܠܗ ܠܟܫܝܪ̈ܘܬܐ ܒܫ ܓܠܝ݁̈ܐ ܘܡܢܝܗܝ ܥܕܥܐܕܐ ܕܝܪܬܘܬܐ ܣܘܪܝܝܬܐ ܘܥܕܥܐܕܐ ܕܝܘܡܐ ܕܫܒܪܐ ܬܒܝܠܝܐ ܐܢܝ ܕܦܝܫܠܗܘܢ ܥܒܝܕܐ ܒܥܢܟܒܐ.
ܘܡܘܥܒܪܗ (ܐܘܓܼܢܐ) ܒܚܘܬܡܐ ܕܡܡܠܗ ܥܠ ܐܝܩܪܗ ܪܒܐ ܠܓܪܐ ܕܡܠܦܢ̈ܐ ܒܙܪܥܬܐ ܕܡܣܬܟܠܢ̈ܘܬܐ ܕܗܝܝܘܬܐ ܘܡܪܕܘܬܐ ܒܓܝܢ̈ܬܐ ܕܝܠܕ̄ܝ̈ܢ ܘܝܘܒ̈ܠܐ ܚܕ̈ܬܐ.
ܘܚܒܫܠܗ ܙܘܝܚܐ، ܗܘ ܕܦܝܫܠܗ ܡܛܝܒܐ ܓܘܗ ܡܕܒܪܢܐ ܕܬܪܒܝܬܐ ܕܚܕܪ̈ܘܢܐ ܕܐܪܒܝܠ (ܦܗܡܝ ܨܠܝܒܐ)، ܡܝܩܪܢܘܬܐ ܕܡܕܒܪܢܐ ܕܡܕܪܫܬܐ ܕܐܪܒܥ̄ܐܝܠܘ ܣܘܪܝܝܬܐ، ܬܪܒܝܬܢܝܐ (ܣܥܕ ܒܘܝܐ)، ܗܘ ܕܦܝܫܠܗ ܡܫܘܬܒܐ ܒܡܬܚܐ ܐ̄ܚܪܝܐ، ܒܕܘܪܥܐ ܕܡܕܒܪܢܘܬܐ ܓܘܢܝܬܐ، ܐܝܩܪܐ ܠܡܐ ܕܡܘܩܪܒܠܗ ܡܢ ܥܡܠܐ ܘܥܘܕܪܢܐ ܒܝܘܪܟܐ ܕܡܐܙܠܬܗ ܬܪܒܝܬܢܝܬܐ.
