ܩܝܡܠܗܿ ܡܫܕܪܘܬܐ ܡܢ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܪܫܢܘܬܐ ܕܡܕܒܪܢܐ ܓܘܢܝܐ ܡܝܩܪܐ ( ܟܠܕܘ ܪܡܙܝ ܐܘܓܼܢܐ)، ܝܘܡ ܐܪܒܥܒܫܒܐ 26 ܐܕܪ 2025، ܒܣܥܘܪܘܬܐ ܕܡܒܚܢܢܐ ܒܐܡܝܐ ܘܡܬܢܝܢܐ (ܨܒܐܚ ܗܘܪܡܙ ܐܠܫܐܢܝ)، ܠܒܩܪܬܐ ܥܠ ܚܘܠܡܢܗ ܘܢܩܝܦܘܬܐ ܕܦܘܠܚܢ̈ܗ ܡܪ̈ܕܘܬܢܝܐ ܘܣܦܪ̈ܝܐ ܒܡܬܚܐ ܐ̄ܚܪܝܐ.
ܘܕܪܫܠܗܘܢ ܬܪܘܝܗܝ ܓܢ̄ܒܢ̈ܐ ܩܐܡ ܡܪܕܘܬܢܝܐ ܕܥܡܢ ܘܫܒܝܠ̈ܐ ܚܫܝܚ̈ܐ ܕܛܘܪܢܬܗ ܘܐܡܝܢܝܘܬܗ، ܟܕ ܩܘܠܣܠܗ (ܐܘܓܼܢܐ) ܒܡܐܙܠܬܐ ܕ(ܐܠܫܐܢܝ) ܗܝ ܡܠܝܬܐ ܡܢ ܡܘܗܒܬܐ ܘܫܘܬܦܝ̈ܬܗ ܛܝܡܢ̈ܐ ܒܝܗ̄ܒܠܬܐ ܕܩܐܡ ܡܪܕܘܬܢܝܐ ܕܥܡܢ، ܘܫܘܪܪܠܗ ܕܬܪ̈ܥܐ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܦܬܝܚ̈ܐܝܠܗܘܢ ܠܥܘܕܪܢܐ ܥܡ ܟܠ ܦܪ̈ܨܘܦܐ ܘܫܘܬܐܣ̈ܐ ܠܬܫܡܫܬܐ ܕܝܪܬܘܬܐ ܘܡܪܕܘܬܐ ܕܥܡܢ.
ܘܒܚܘܬܡܐ ܕܬܦܩܬܐ، ܡܘܩܪܒܠܗ ܡܒܚܢܢܐ ܒܐܡܝܐ ܘܡܬܢܝܢܐ (ܨܒܐܚ ܗܘܪܡܙ ܐܠܫܐܢܝ)، ܠܡܫܕܪܘܬܐ ܣܥܘܪܬܐ، ܢܘܣܟܐ ܡܢ ܟܬܒܗ ܚܕܬܐ ܗܘ ܕܢܦܩܠܗ ܒܫܡܐ ܕ(جبل المراثي: الأنساق المضمرة في الرواية الكردية”.)
ܘܚܒܫܠܗܿ ܡܫܕܪܘܬܐ ܕܡܕܒܪܢܘܬܐ، ܡܕܒܪܢܐ ܓܘܢܝܐ ܡܝܩܪܐ (ܟܠܕܘ ܪܡܙܝ ܐܘܓܼܢܐ)، ܘܡܕܒܪܢܐ ܕܒܝܬ ܥܬܝܩ̈ܬܐ ܕܝܪܬܘܬܐ ܣܘܪܝܝܬܐ ܡܝܩܪܐ (ܒܪܢܐܪܕ ܝܘܣܦ)، ܘܡܢܝܢܐ ܡܢ ܫܕܬܢ̈ܐ ܕܡܕܒܪܢܘܬܐ.
