ܣܥܪܠܗܿ ܡܫܕܪܘܬܐ ܡܢ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ، ܝܘܡ ܬܪܝܢܒܫܒܐ 2 ܟܢܘܢ ܩܕܡܝܐ 2024، ܟܢܘܫܬܐ ܕܡܪܕܘܬܐ ܟܠܕܝܬܐ ܒܥܢܟܒܐ، ܠܡܩܪܒܬܐ ܕܗܘܢܝ̈ܐ ܘܒܪ̈ܟܝܬܐ ܒܦܘܪܣܐ ܕܥܒܪܬܐ ܕܕܟܪܐ ܕܥܣܪܝܢ ܘܫܬܐ ܕܫܬܐܣܬܗܿ، ܘܝܗ̄ܘܐ ܒܣܩܒܠܬܝܗܝ ܡܢܝܢܐ ܡܢ ܗܕܡ̈ܐ ܕܓܘܫܡܐ ܡܕܒܪܢܝܐ ܕܟܢܘܫܬܐ.
ܘܚܒܫܠܗܿ ܡܫܕܪܘܬܐ ܣܥܘܪܬܐ ܡܕܒܪܢܐ ܓܘܢܝܐ ܡܝܩܪܐ (ܟܠܕܘ ܪܡܙܝ ܐܘܓܼܢܐ)، ܘܡܕܒܪܢܐ ܕܒܝܬ ܥܬܝܩ̈ܬܐ ܕܝܪܬܘܬܐ ܣܘܪܝܝܬܐ ܡܝܩܪܐ ( ܒܪܢܐܪܕ ܝܘܣܦ)، ܘܡܢܝܢܐ ܡܢ ܫܕܬܢ̈ܐ ܕܡܕܒܪܢܘܬܐ، ܘܡܘܩܪܒܠܗܿ ܡܫܕܪܘܬܐ ܗܘܢܝ̈ܗܿ ܒܦܘܪܣܐ ܕܕܟܪܐ ܕܥܣܪܝܢ ܘܫܬܐ ܠܫܬܐܣܬܐ ܕܟܢܘܫܬܐ، ܘܒܥܐܠܗܿ ܡܢܬܝܬܐ ܘܢܨܝܚܘܬܐ ܠܓܘܫܡܐ ܡܕܒܪܢܝܐ ܘܟܠ ܗܕܡ̈ܐ ܕܟܢܫܘܬܐ ܠܬܫܡܫܬܐ ܕܝܪܬܘܬܐ ܘܡܪܕܘܬܐ ܕܥܡܢ.
ܘܕܪܫܠܗܘܢ ܬܪܘܝܗܝ ܓܢ̄ܒܢ̈ܐ ܒܣܘܘܕܝܗܝ ܠܚܝܠܢܬܐ ܕܐܘܦܩ̈ܐ ܕܥܘܕܪܢܐ ܡܫܘܬܦܐ ܒܝܢܬ ܫܘܬܐܣ̈ܐ ܡܪ̈ܕܘܬܢܝܐ ܕܥܡܢ، ܘܫܘܪܪܠܗܘܢ ܥܠ ܓܪܐ ܕܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܦܪܣܬܐ ܕܥܝܪܘܬܐ ܡܪܕܘܬܢܝܬܐ ܘܢܛܪܬܐ ܕܝܪܬܘܬܐ ܕܥܡܢ ܒܥܝܪܩ ܘܩܠܝܡܐ ܕܟܘܪܕܣܬܢ.
