ܣܥܪܠܗܿ ܡܫܕܪܘܬܐ ܡܢ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܪܫܢܘܬܐ ܕܡܕܒܪܢܐ ܓܘܢܝܐ ܡܝܩܪܐ “ܟܠܕܘ ܪܡܙܝ ܐܘܓܼܢܐ”، ܝܘܡ ܚܕܒܫܒܐ 5 ܢܝܣܢ 2024، ܡܫܪܝܐ ܕܡܪܥܝܬܐ ܕܡܘܨܠ ܘܟܪܟܘܟ ܘܩܠܝܡܐ ܕܟܘܪܕܣܬܢ ܕܣܘܪ̈ܝܝܐ ܐܪܬܕܘܟܣܝܐ، ܠܡܩܪܒܬܐ ܕܗܘܢܝ̈ܐ ܘܒܪ̈ܟܝܬܐ ܒܦܘܪܣܐ ܕܥܐܕܐ ܕܩܝܡܬܐ ܕܡܪܢ ܝܫܘܥ ܡܫܝܚܐ ܡܢ ܒܝܢ ܡܝܬ̈ܐ ܠܦܘܬ ܣܘܪܓܕܐ ܡܕܢܚܝܐ ܝܘܠܝܢܝܐ.
ܘܝܗ̄ܘܐ ܒܣܩܒܠܬܐ ܕܡܫܕܪܘܬܐ ܪܥܝܐ ܕܡܪܥܝܬܐ ܡܪܝ “ܢܝܩܘܕܝܡܘܣ ܕܘܝܕ ܡܬܝ ܫܪܦܿ”، ܗܘ ܕܩܘܠܣܠܗ ܒܣܘܘܕܗ ܥܠ ܟܫܝܪ̈ܘܬܐ ܘܥܒܘܕܘ̈ܬܐ ܐܢܝ ܡܛܟܣܐܠܗܘܢ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ، ܐܢܝ ܕܟܦܫܝ ܒܢܝ̈ ܥܡܢ ܕܕܥܪܝ ܒܥܩܪ̈ܝܗܝ ܘܬܫܥܝܬܝܗܝ ܘܐܪܥܝܗܝ، ܘܫܘܪܪܠܗ ܥܠ ܐܢܢܩܝܘܬܐ ܕܥܘܕܪܢܐ ܒܝܢ ܫܘܬܐܣ̈ܐ ܕܥܡܢ ܓܘ ܐܬܪܐ.
ܘܡܢ ܓܢ̄ܒܗ ܫܘܪܪܠܗ “ܐܘܓܼܢܐ”، ܕܬܪ̈ܥܐ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܦܬܝܚ̈ܐܝܠܗܘܢ ܒܐܡܝܢܘܬܐ ܠܥܘܕܪܢܐ ܥܡ ܟܠܝܗܝ ܫܘܬܐܣ̈ܐ ܡܫܚܠܦ̈ܐ ܕܥܡܢ ܠܬܫܡܫܬܐ ܕܡܪܕܘܬܐ ܘܝܪܬܘܬܐ ܣܘܪܝܝܬܐ.
