ܣܥܪܠܗܿ ܡܫܕܪܘܬܐ ܡܢ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܪܫܢܘܬܐ ܕܡܕܒܪܢܐ ܓܘܢܝܐ ܡܝܩܪܐ “ܟܠܕܘ ܪܡܙܝ ܐܘܓܼܢܐ”، ܝܘܡ ܬܪܝܢܒܫܒܐ 6 ܐܝܪ 2024 ، ܠܡܫܪܝܐ ܕܡܪܥܝܬܐ ܕܚܕܝܒ ܕܥܕܬܐ ܡܕܢܚܝܬܐ ܥܬܝܩܬܐ، ܠܡܩܪܒܬܐ ܕܗܘܢܝ̈ܐ ܘܒܪ̈ܟܝܬܐ ܒܦܘܪܣܐ ܕܥܐܕܐ ܕܩܝܡܬܐ ܕܡܪܢ ܝܫܘܥ ܡܫܝܚܐ ܡܢ ܒܝܢ ܡܝܬ̈ܐ ܠܦܘܬ ܣܘܪܓܕܐ ܡܕܢܚܝܐ ܝܘܠܝܢܝܐ.
ܘܝܗ̄ܘܐ ܒܣܩܒܠܬܐ ܕܡܫܕܪܘܬܐ ܪܥܝܐ ܕܡܪܥܝܬܐ ܡܪܝ “ܫܡܥܘܢ ܕܢܐܝܠ”، ܗܘ ܕܩܘܠܣܠܗ ܒܣܘܘܕܗ ܥܠ ܟܫܝܪ̈ܘܬܐ ܘܥܒܘܕܘ̈ܬܐ ܐܢܝ ܡܛܟܣܐܠܗܘܢ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ، ܐܢܝ ܕܫܒܩܝ ܒܢܝ̈ ܥܡܢ ܕܕܒܩܝ ܒܥܩܪ̈ܝܗܝ ܘܐܪܥܝܗܝ، ܘܡܢ ܓܢ̄ܒܗ ܫܘܪܪܠܗ ” ܟܠܕܘ ܪܡܙܝ ܐܘܓܼܢܐ” ، ܕܬܪ̈ܥܐ ܕܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܦܬܝܚ̈ܐܠܗܘܢ ܒܐܡܝܢܘܬܐ ܠܥܘܕܪܢܐ ܥܡ ܟܠܝܗܝ ܫܘܬܐܣ̈ܐ ܕܥܡܢ، ܠܬܫܡܫܬܐ ܕܝܪܬܘܬܢ ܘܡܪܕܘܬܢ.
ܘܚܒܫܠܗܿ ܡܫܕܪܘܬܐ ܣܥܘܪܬܐ ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܬ ܡܝܩܪܐ “ܟܠܕܘ ܪܡܙܝ ܐܘܓܼܢܐ” ، ܘܡܕܒܪܢܝܬܐ ܕܒܝܬ ܐܪ̈ܟܐ ܣܘܪܝܝܐ “ܦܝܚܐܐ ܫܡܥܘܢ” ، ܘܡܕܒܪܢܐ ܕܡܕܒܪܢܘܬܐ “ܦܘܐܐܕ ܫܡܥܘܢ”، ܘܡܢܝܢܐ ܡܢ ܫܕܬܢ̈ܐ ܕܡܕܒܪܢܘܬܐ.
