ܒܪܥܝܘܬ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܩܠܝܡܐ ܕܟܘܪܕܣܬܢ، ܦܝܫܠܗܿ ܥܒܝܕܬܐ ܝܘܡ ܚܕܒܫܒܐ 10 ܐܒ 2025، ܡܩܪܒܬܐ ܕܟܬܒܐ ܚܕܬܐ ܕܕܟܬܘܪ (ܡܘܢܬܨܪ ܐܠܚܣܢܐܘܝ)، ܒܫܡܐ ܕ (ܡܪܕܘܬܐ ܕܒܘܛܠܐ- ثقافة الإلغاء) ، ܗܘ ܕܥܒܕܠܗ ܕܘܪܫܐ ܥܡܗ ܘܟܡ ܡܩܪܒܠܗ ܠܡܛܝܒ̈ܐ ܟܬܘܒܐ ܘܡܬܢܝܢܐ ( ܐܚܡܕ ܐܠܣܥܕܐܘܝ)، ܓܘ ܐܘܢܐ ܕܒܝܬ ܥܬܝܩ̈ܬܐ ܕܝܪܬܘܬܐ ܣܘܪܝܝܬܐ ܒܥܢܟܒܐ.
ܘܫܘܪܐܠܗܘܢ ܥܒܘܕܘ̈ܬܐ ܕܓܕܫܐ، ܒܡܡܠܐ ܕܡܕܒܪܢܝܬܐ ܕܒܝܬ ܐܪ̈ܟܐ ܣܘܪܝܝܐ، (ܦܝܚܐܐ ܫܡܥܘܢ)، ܗܝ ܕܩܒܠܗܿ ܓܘܗ ܒܫܝܢܐ ܒܐܪ̈ܚܐ ܡܝܩܪ̈ܐ، ܘܡܚܘܬܬܠܗܿ ܕܬܦܩܬܐ ܓܘ ܫܛܚܐ ܕܒܝܬ ܥܬܝܩ̈ܬܐ ܕܝܪܬܘܬܐ ܣܘܪܝܝܬܐ ܟܦܫ ܒܝܢ ܥܘܡܩܐ ܕܥܘܗܕܢܐ ܘܫܘܦܪܐ ܕܐܬܘܬܐ، ܘܪܡܙܠܗܿ ܕ(ܓܕܫܐ ܝܠܗ ܚܕܐ ܩܪܝܬܐ ܠܦܬܚܬܐ ܕܬܪ̈ܥܐ ܕܕܘܪܫܐ، ܘܡܠܝܬܐ ܕܥܝܪܘܬܐ ܘܬܢܝܬܐ ܕܬܚܡܠܬܐ ܒܨܒ̈ܘܬܐ ܕܐܝܬܠܗܘܢ ܐܣܘܪܐ ܒܩܐܡܢ ܡܪܕܘܬܢܝܐ ܘܟܢܘܫܝܝܐ).
ܘܒܬܪ ܗܕܟ ܓܠܚܠܗ ܟܬܘܒܐ ܒܡܬܚܐ ܕܕܘܪܫܐ ܕܟܬܘܒܐ ܘܡܬܢܝܢܐ (ܐܚܡܕ ܐܠܣܥܕܐܘܝ) ܥܡܗ، ܐܢܢܩܝܘܬܐ ܕܦܘܠܚܢܗ ܣܦܪܝܐ، ܘܪܘܚܩܐ ܐ̄ܢܫܝܐ ܘܟܢܘܫܝܝܐ ܗܘ ܕܚܒܫܠܗ ܟܬܒܐ، ܗܘ ܕܚܒܫ ܠܣܘܟܠܐ ܕܒܘܛܠܐ ܘܣܩܘܒܠܝ̈ܘܬܗ ܒܩܐܡܢ ܡܪܕܘܬܢܝܐ ܘܟܢܘܫܝܝܐ.
ܘܒܚܘܬܡܐ ܕܓܕܫܐ ܕܡܩܪܒܬܐ ܕܟܬܘܒܐ، ܦܝܫܠܗܿ ܥܒܝܕܬܐ ܡܝܩܪܢܘܬܐ ܕܕܟܬܘܪ (ܡܘܢܬܨܪ ܐܠܚܣܢܐܘܝ) ܐܝܩܪܐ ܠܦܘܠܚܢ̈ܗ ܘܒܪܘܝܘܬܗ، ܒܡܓܫܡܐ ܚܝܛܐ ܠܬܪܥܐ ܕܥܫܬܪ ܬܫܥܝܬܢܝܐ، ܦܝܫܠܗ ܡܘܩܪܒܐ ܒܝܕ ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܡܝܩܪܐ (ܟܠܕܘ ܪܡܙܝ ܐܘܓܼܢܐ)، ܥܡ ܦܬܚܬܐ ܕܬܥܐ ܕܕܘܪ̈ܫܐ ܠܦܘܢܝܐ ܥܠ ܫܘܐܠ̈ܐ ܕܡܛܝܒ̈ܐ ܡܢ ܡܘܪ̈ܕܢܐ ܘܝܨܘܦ̈ܐ ܒܓܝܓܼܠܐ ܡܪܕܘܬܢܝܐ ܘܣܦܪܝܐ، ܒܚܕ ܫܛܚܐ ܡܢ ܬܚܡܠܬܐ ܘܫܩܠܬܐ ܘܝܗ̄ܒܠܬܐ ܕܪ̈ܥܝܢܐ ܒܫܘܦ̈ܐ ܘܢܘܣܝ̈ܐ ܪ̈ܒܐ.
ܘܦܝܫ ܕܟܝܪܐ، ܕܕܟܬܘܪ(ܡܘܢܬܨܪ ܐܠܚܣܢܐܘܝ)، ܝܠܗ ܒܕܪܓܼܐ ܕܡܕܒܪܢܐ ܓܘܢܝܐ ܕܚܘܕܪܐ ܕܩܨܪܐ ܕܠܘܡܕ̈ܐ ܒܘܙܝܪܘܬ ܡܪܕܘܬܐ ܘܕܝܪܘܬܐ ܘܥܬܩ̈ܐ ܒܫܘܠܛܢܘܬܐ ܚܘܝܕܝܬܐ.
