ܣܘܩܒܠܗ ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܡܝܩܪܐ (ܟܠܕܘ ܪܡܙܝ ܐܘܓܼܢܐ)، ܘܡܕܒܪܢܐ ܕܒܝܬ ܥܬܝܩ̈ܬܐ ܣܘܪܝܝܐ ܡܝܩܪܐ (ܒܪܢܐܪܕ ܝܘܣܦ) ، ܝܘܡ ܬܪܝܢܒܫܒܐ 16 ܐܝܠܘܠ 2024، ܓܘ ܒܢܝܢܐ ܕܒܝܬ ܥܬܝܩ̈ܬܐ ܣܘܪܝܝܐ ܒܪܘܣܬܩܐ ܕܥܢܟܒܐ ܡܫܕܪܘܬܐ ܡܢ ܐܝܙܓܕܘܬܐ ܐܡܪܝܟܝܬܐ ܒܒܓܼܕܕ ܒܚܒܪܘܬܐ ܕܡܫܬܐܠܢܐ ܕܨܒܼܘ̈ܬܐ ܓܘܢܝ̈ܐ ܓܘ ܩܢܨܠܝܘܬܐ ܓܘܢܝܬܐ ܕܐܘܚܕܢ̈ܐ ܡܚܝܕ̈ܐ ܒܐܪܒܝܠ ( ܟܝܡ ܣܬܪܘܠܘ).
ܘܟܪܟܼܠܗܿ ܡܫܕܪܘܬܐ ܒܡܢܘ̈ܬܐ ܕܒܝܬ ܥܬܝܩ̈ܬܐ ܘܚܙܐܠܗܿ ܠܡܬܩܕܡܢܘܬܐ ܕܦܝܫܠܗܿ ܒܪܝܬܐ ܓܘ ܬܪ̈ܡܝܬܐ ܐܢܝ ܕܩܝܡ ܓܘܝܗܝ ܒܝܬ ܥܬܝܩ̈ܬܐ ܒܥܘܕܪܢ ܥܡ ܘܟܝܠܘܬܐ ܐܡܪܝܟܝܬܐ ܕܫܘܘܚܐ( ܡܪܒܝܬܐ) ܬܒܝܠܝܐ (USAID)، ܘܡܘܚܙܐܠܗܘܢ ܗܕܡ̈ܐ ܕܡܫܕܪܘܬܐ ܕܡܝܪܘܬܝܗܝ ܘܒܣܡܠܗ ܠܒܝܗܝ ܒܦܘܠܚܢܐ ܥܒܝܕܐ ܒܝܕ ܡܕܒܪܢܘܬܐ ܕܒܝܬ ܥܬܝܩ̈ܬܐ، ܘܦܪܝܫܐܝܬ ܓܘ ܬܪܡܝܬܐ ܕ( ܢܛܪܬܐ ܕܝܪܬܘܬܐ ܡܪܕܘܬܢܝܬܐ ܕܒܨܘܪ̈ܘܬܐ ܓܘ ܥܝܪܩ) ܗܝ ܝܠܗܿ ܒܪܥܝܘܬܐ ܕ(USAID) ، ܡܛܠ ܐܪܫܦܬܐ ܕܝܪܬܘܬܐ ܣܘܪܝܝܬܐ ܕܗܘܝܐ ܒܝܢ ܐܝܕ̈ܐ ܕܒܨܘܝ̈ܐ.
ܘܚܒܫܠܗܿ ܡܫܕܪܘܬܐ ܕܐܝܙܓܕܘܬܐ ܐܡܪܝܟܝܬܐ ܟܠ ܡܢ ܡܫܬܐܠܢ̈ܐ ܕܨܒܼܘ̈ܬܐ ܓܘܢܝ̈ܐ ܓܘ ܐܝܙܓܕܘܬܐ ( ܐܢܕܝ ܗܐܠܘܣ، ܘܝܠ ܐܘܣܬܝܟ).
