ܣܘܩܒܠܗ ܡܝܩܪܐ ” ܟܠܕܘ ܪܡܙܝ ܐܘܓܼܢܐ” ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܩܠܝܡܐ ܕܟܘܪܕܣܬܢ ܡܫܕܪܘܬܐ ܡܢ ܟܠܢܝܘܬ ܐܡܢ̈ܐ ܫܦܝܪ̈ܐ ܒܒܝܬ ܨܘܒܐ ܕܨܠܚ ܐܠܕܝܢ ܓܘ ܐܪܒܝܠ، ܒܒܢܝܢܐ ܕܡܕܒܪܢܘܬܐ ܓܘܢܝܬܐ ܒܥܢܟܒܐ ܒܨܦܪܐ ܕܐܪܒܥܒܫܒܐ 22 ܬܫܪܝܢ ܬܪܝܢܐ 2023 .
ܘܚܒܫܠܗܿ ܡܫܕܪܘܬܐ “ܙܝܠܘܐܢ ܬܐܗܪ” ܪܫܐ ܕܡܢܬܐ ܕܣܝܢܡܐ ܘܒܐܡܐ ܓܘ ܟܠܢܝܘܬܐ ، ܘ”ܒܝܐܪ ܠܘܝܣ ܫܝܪ” ܘ”ܕܝܠܐܢ ܚܠܝܠ ܚܘܪܐܢܝ” ܬܪܝ ܡܕܪ̈ܫܢܐ ܓܘ ܡܢܬܐ ܕܣܝܢܡܐ ܘܒܐܡܐ.
ܘܡܘܩܪܒܠܗ ” ܐܘܓܼܢܐ” ܚܕ ܢܘܗܪܐ ܟܪܝܐ ܚܕܪ ܟܫܝܪ̈ܘܬܐ ܡܫܚܠܦ̈ܐ ܕܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܘܦܪܝܫܐܝܬ ܒܡܫܘܬܦܬܝܗܝ ܒܣܢܕܬܐ ܕܒܐܡܐ ܣܘܪܝܝܐ ܓܘ ܛܐܠܝ̈ܬܐ ܐܢܝ ܕܦܝܫܠܗܘܢ ܓܠܝ̈ܐ ܒܣܢܕܬܝܗܝ ܘܪܥܝܘܬܝܗܝ ܠܩܐܡ ܡܪܕܘܬܢܝܐ ܣܘܪܝܝܐ ܒܟܠ ܡܢܕܝ ܚܕܬܐ ܘܫܦܝܪܐ.
ܘܡܘܥܒܪܗ ܪܫܐ ܕܡܢܬܐ ܕܣܝܢܡܐ ܘܒܐܡܐ ܒܟܠܢܝܘܬ ܐܡܢ̈ܐ ܫܦܝܪ̈ܐ ܥܠ ܐܝܩܪܗ ܠܦܘܠܚܢ̈ܐ ܕܡܕܒܪܢܘܬܐ ܓܘܢܝܬܐ ܘܛܘܝܒܐ ܕܡܢܬܗ ܠܥܘܕܪܢܐ ܥܡ ܡܕܒܪܢܘܬܐ ܓܘܢܝܬܐ ܠܡܛܘܪܢܬܐ ܕܩܐܡ ܕܒܐܡܐ ܣܘܪܝܝܐ.
