ܣܘܩܒܠܗ ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܡܝܩܪܐ (ܟܠܕܘ ܪܡܙܝ ܐܘܓܼܢܐ)، ܘܡܕܒܪܢܐ ܕܒܝܬ ܥܬܝܩ̈ܬܐ ܕܝܪܬܘܬܐ ܣܘܪܝܝܬܐ ܡܝܩܪܐ ( ܒܪܢܐܪܕ ܝܘܣܦ) ، ܝܘܡ ܚܕܒܫܒܐ 27 ܢܝܣܢ 2025، ܓܘ ܒܢܝܢܐ ܕܡܕܒܪܢܘܬܐ ܒܪܘܣܬܩܐ ܕܥܢܟܒܐ، ܡܫܕܪܘܬܐ ܡܢ ܡܛܟܣܬܐ ܕ(Family Search) ܐܡܪܝܟܝܬܐ، ܚܒܫܠܗܿ ܟܠ ܡܢ ܡܣܕܪܢܐ ܕܨܒܼܘ̈ܬܐ ܕܡܕܢܚܐ ܡܨܥܝܐ ( ܪܘܠܐ ܫܠܗܘܒܿ)، ܘܗܕܡܐ ܕܡܛܟܣܬܐ ܕ.( ܓ̰ܘܢܐܬܢ ܡܐܟܠܘܡ)، ܘ(ܥܘܼܡܪ ܩܕܪܝ).
ܘܕܪܫܠܗܘܢ ܬܪܘܝܗܝ ܓܢ̄ܒܢ̈ܐ ܒܣܘܘܕܐ ܬܪܡܝܬܐ ܗܝ ܒܕ ܩܝܡ ܒܝܬ ܥܬܝܩ̈ܬܐ ܕܝܪܬܘܬܐ ܣܘܪܝܝܬܐ ܒܥܒܕܬܗܿ ܒܣܓܼܠܢܬܐ ܕܒܝܬܘܝ̈ܬܐ ܕܥܡܢ ܒܐܘܪܚܐ ܕܐܪܫܦܬܝܗܝ ܘܪܩܡܢܬܝܗܝ ܕܦܝܫܝ ܒܐܝܕܐ ܕܒܨܘܝ̈ܐ.
ܘܦܝܫ ܕܟܝܪܐ، ܕܡܛܟܣܬܐ ܕ(Family Search) ܐܡܪܝܟܝܬܐ ܕܩܝܡܠܗܿ ܒܣܥܘܪܘܬܐ ܩܕܡܝܬܐ ܠܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܩܠܝܡܐ ܕܟܘܪܕܣܬܢ ܓܘ ܟܢܘܢ ܩܕܡܝܐ ܡܢ ܫܢ̄ܬܐ ܥܒܝܪܬܐ، ܘܐܦ ܩܝܡܠܗܿ ܒܣܥܘܪܘܬܐ ܐ̄ܚܪܝܬܐ ܓܘ ܫܒܛ ܡܢ ܫܢ̄ܬܐ ܩܐܡܝܬܐ، ܒܢܝܫܐ ܕܐܡܝܢܝܘܬܐ ܥܡ ܡܕܒܪܢܘܬܐ ܕܒܝܬ ܥܬܝܩ̈ܬܐ ܕܝܪܬܘܬܐ ܣܘܪܝܝܬܐ ܠܦܘܠܚܢܐ ܠܫܛܪܬܐ ܕܒܝܬܘܝ̈ܬܐ ܕܥܡܢ ܘܪܩܡܢܬܝܗܝ .
