ܟܬܒܐ ܕ(ܡܫܝܚܝ̈ܐ ܕܡܕܢܚܐ …. ܓܒܝܬܐ ܕܦܝܫܬܐ ܘܨܒܝܢܐ ܕܣܒܪܐ) ܗܗ ܕܦܝܫܠܗ ܢܦܝܩܐ ܒܡܬܚܐ ܐ̄ܚܪܝܐ ܡܢ ܫܫܠܬܐ ܕܡܪܕܘܬܐ ܣܘܪܝܝܬܐ ܢܩܝܦܬܐ ܠܒܝܬ ܐܪ̈ܟܐ ܣܘܪܝܝܐ ܒܪܩܡܐ ( 73) ܘܒܛܒܥܬܗ ܪܒܝܥܝܬܐ ܕܡܠܦܢܐ “ܚܒܝܒ ܐܦܪܝܡ” ܚܒܫ ܦܘܬܚܗ ܘܝܠܗ ܒܝܕ ܘܙܝܪܐ ܩܕܝܡܐ “ܡܝܫܐܝܠ ܐܕܐ” ܦܘܫܩܐ ܟܪܝܐ ܠܡܐ ܕܚܒܫ ܟܬܒܐ ܘܐܦ ܗܕܟ ܒܕ ܚܙܚ ܓܘ ܦܬܐ ܕܬܠܬܥܣܪ ܚܕ ܫܘܪܝܐ ܠܟܬܘܒܐ “ܚܒܝܒ ܐܦܪܝܡ” ܗܘ ܕܬܢܐ ܓܘܗ ܫܒܪܘܬܗ ܘܡܝܕܥܠܢ ܠܕܥܒܪ ܕܒܝܬܘܬܗ ܘܩܛܪ̈ܗ ܘܥܡܗ ܓܘ ܕܘܕܡܐ ܕ( ܣܝܦܘ) ܗܘ ܕܡܢܗ ܘܡܢ ܩܕ̄ܡ ܡܢܗ ܘܒܬܪܗ ܡܬܪܨ ܚܕ ܗܘܢܐ ܡܫܝܚܝܐ ܡܕܢܚܝܐ ܚܒܫ ܒܝܢ ܡܢܘ̈ܬܗ ܡܥܒܪ ܬܚܘܡ̈ܐ، ܘܩܒܠܗ ܕܕܝܠܗ ܡܬܩܝܡܢܐ ܗܠ ܦܘܣܩܢܐ ܐ̄ܚܪܢܐ ، ܘܝܠܗ ܚܙܘܩܐ ܛܥܝܢܐ ܒܐܘܪ̈ܚܬܐ ܪ̈ܘܫܡܝܐ ܒܡܙܝܦܢܘܬܐ ܒܣܝܣܪ̈ܝܬܐ ܒܡܪܥܐ ܕܪܒܢܐ، ܘܐܗܐ ܐܝܟ ܕܡܥܒܪ ܟܬܘܒܐ.
ܚܒܫ ܟܬܒܐ ܡܐܡܪ̈ܐ ܦܝܫܠܗܘܢ ܦܪ̈ܝܣܐ ܒܡܢܝܢܐ ܡܢ ܓܠܝܘܢ̈ܐ ܠܒܢܢܝ̈ܐ ܘܡܐܡܪ̈ܐ ܦܝܫܠܗܘܢ ܡܘܩܪܒܐ ܓܘ ܠܘܡܕ̈ܐ ܕܦܝܫܠܗܘܢ ܩܛܝܪ̈ܐ ܒܢܝܫܐ ܕܥܙܙܬܐ ܕܦܘܬܚܐ ܘܡܣܠܝܬܐ ܕܛܘܗܡܢܝܘܬܐ ܒܟܠ ܕܘܟܬܐ ܡܢ ܦܢܝ̈ܬܐ ܕܐܪܥܐ، ܡܢ ܒܝܢ ܡܐܡܪ̈ܐ ܦܪ̈ܝܣܐ ܡܐܡܪܐ ܦܝܫܠܗ ܡܘܩܪܒܐ ܓܘ ܠܘܡܕܐ ܥܡܡܝܐ ܟܠܕܝܐ ܣܘܪܝܝܐ ܐܬܘܪܝܐ ܦܝܫܠܗ ܩܛܝܪܐ ܓܘ ( ܥܢܟܒܐ- ܐܪܒܝܠ – ܩܠܝܡܐ ܕܟܘܪܕܣܬܢ 12-3-2007) ܒܫܡܐ ܕ( ܪܗ̄ܘܡܐ ܚܕܬܐ ܙܥܘܪܬܐ -روما الجديدة الصغيرة) ܐ̄ܡܪܗ ܒܫܘܪܝܗ: ( ܟܠ ܐܝܡܢ ܕܟܦܫܠܗܘܢ ܬܪܝܢ ܡܢ ܒܢܝ̈ ܥܡܢ، ܘܐܝܟܐ ܕܟܦܫܠܗܘܢ، ܒܗܘܚ ܐܡܝܢܐܝܬ ܥܡܝܗܝ. ܘܕܐܝܟ ܠܐܟܐ، ܓܘ ܥܢܟܒܐ (ܪܗ̄ܘܡܐ ܚܕܬܐ ܙܥܘܪܬܐ) ، ܦܢܝܬܐ ܟܪܒܝܐ ܒܚܢܝܢܘܬܐ، ܓܘ ܩܘܝܡܐ ܥܘܡܪܢܝܐ ܚܘܫܒܝܐ ܝܘܕܥܝܐ ܐܘܡܬܢܝܐ ܠܝܬܠܗ ܕܡܝܘܬܐ. ܘܕܐܝܟ ܥܡ ܟܠ ܐܢܝ ܦܬܘ̈ܬܐ ܒܣܝܡ̈ܐ. ܘܕܐܝܟ ܠܐܟܐ ܬ̄ܚܘܬ ܩܠܝܡܐ ܡܫܪܪ ܥܠ ܐܚܘܬܐ ܒܝܢ ܛܝܦ̈ܬܐ ܘܐܘܡܬܝܘ̈ܬܐ ܘܬܘܕܝ̈ܬܐ، ܘܚܦܛ ܠܡܩܪܒܬܐ ܕܚܕ ܛܘܦܣܐ ܚܝܐ ܠܚܝܝܬܐ ܡܕܝܢܝܬܐ. ܐܢܐ ܐܬܝܐ ܡܢ ܐܪܙܐ ܕܡܪܝܐ، ܡܢ ܠܒܢܢ، ܟܪܓܫܢ ܕܩܠܝܡܐ ܐܟܘܬܢ ܝܠܗ. ܘܐܝܬܠܝ ܫܘܒܗܪܐ ܒܗܢ ܡܢܕܝ. ܐܪܐ ܠܐܝܠܗ ܠܒܢܢ ܐܬܪܝ ܛܘܦܣܐ ܠܐܘܝܘܬܐ، ܫܒܘܩ ܡܢ ܥܣܩ̈ܘܬܐ ܕܙܒܢܐ؟ ܛܘܒܐ ܠܩܠܝܡܐ. ܝܠܗ ܚܦܘܩܐ ܠܐ ܠܐܢܫܝ̈ܗ ܒܠܚܘܕ”.
ܘܐܦ ܗܕܟ ܚܒܫ ܟܬܒܐ ܩܪ̈ܝܬܐ ܐ̄ܬܝܠܗܘܢ ܒܐܣܟܝܡ ܐܓܪ̈ܬܐ ܬܢܝ ܬܘܢܝܬܐ ܕܬܫܥܝ̈ܬܐ ܥܒܪܗܘܢ ܘܐ̄ܚܪ̈ܢܐ ܐܡܝܢܝ̈ܐ
ܚܒܫ ܟܬܒܐ (504) ܦܬܘ̈ܬܐ ܘܒܓܘܫܡܐ ܪܒܐ
ܟܬܒܐ ܒܢܘܣܟܗ ܐܠܟܬܪܘܢܝܐ ܓܘ ܐܣܘܪܐ ܕܐܬܐ :