ܩܝܡܠܗ ܢܛܪ ܐ̄ܪܙܐ ܓܘܢܝܐ ܕܙܘܥܐ ܕܝܡܘܩܪܛܝܐ ܐܬܘܪܝܐ ( ܙܘܥܐ ) ܡܝܩܪܐ ” ܝܥܩܘܒ ܓܝܘܪܓܝܣ” ܘܥܡ ܗܕܡ̈ܐ ܡܢ ܙܘܥܐ، ܒܣܥܘܪܘܬܐ ܒܝܘܡܐ ܕܬܠܬܒܫܒܐ 4 ܬܡܘܙ 2023، ܠܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܫܘܠܛܢܘܬܐ ܕܩܠܝܡܐ ܕܟܘܪܕܣܬܢ ܓܘ ܡܫܪܝܬܗܿ ܒܪܘܣܬܩܐ ܕܥܢܟܒܐ ܓܘ ܗܘܦܪܟܝܐ ܕܐܪܒܝܠ.
ܘܝܗ̄ܘܐ ܒܣܩܒܠܬܐ ܕܐܝܙܓܕܘܬܐ ܡܕܒܪܢܐ ܓܘܢܝܐ ܡܝܩܪܐ ” ܟܠܕܘ ܪܡܙܝ ܐܘܓܼܢܐ” ، ܘܡܕܒܪܢܝܬܐ ܕܒܝܬ ܐܪ̈ܟܐ ܣܘܪܝܝܐ ܡܝܩܪܬܐ “ܦܝܚܐܐ ܫܡܥܘܢ”، ܘܡܕܒܪܢܐ ܕܐܣܘܪ̈ܐ ܓܘ ܡܕܒܪܢܘܬܐ ܓܘܢܝܬܐ ܡܝܩܪܐ ” ܕܠܐܘܪ ܡܪܩܘܣ” ، ܘܡܚܘܬܬܠܗܘܢ ܬܪܘܝܗܝ ܓܢ̄ܒܢ̈ܐ ܥܠ ܐܢܢܩܝܘܬܐ ܕܐܣܘܪ̈ܐ ܒܝܢܬ ܫܘܬܐܣ̈ܐ ܕܥܡܢ ܘܐܢܢܩܝܘܬܐ ܕܥܘܕܪܢܐ ܐܡܝܢܝܐ ܠܬܫܡܫܬܐ ܕܒܢܝ̈ ܥܡܢ.
ܘܡܘܥܒܪܗ ” ܐܘܓܼܢܐ” ܓܘ ܣܘܘܕܗ ܥܠ ܛܘܝܒܐ ܕܡܕܒܪܢܘܬܐ ܓܘܢܝܬܐ ܠܥܘܕܪܢܐ ܥܡ ܟܠܝܗܝ ܫܘܬܐܣ̈ܐ ܠܬܫܡܫܬܐ ܕܡܪܕܘܬܐ ܘܐܡܢܐ ܣܘܪܝܝܐ ܓܘ ܥܝܪܩ ܘܩܠܝܡܐ ܕܟܘܪܕܣܬܢ.
