ܩܝܡܠܗ ܡܝܩܪܐ (ܟܠܕܘ ܪܡܙܝ ܐܘܓܼܢܐ)، ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܩܠܝܡܐ ܕܟܘܪܕܣܬܢ، ܥܡ ܡܝܩܪܐ( ܒܪܢܐܪܕ ܝܘܣܦ)، ܡܕܒܪܢܐ ܕܒܝܬ ܥܬܝܩ̈ܬܐ ܕܝܪܬܘܬܐ ܣܘܪܝܝܬܐ، ܒܝܘܡ ܚܡܫܒܫܒܐ ܒܣܝܩܘܡ 11 ܐܝܠܘܠ 2025 ܒܣܥܘܪܘܬܐ ܠܟܠ ܡܢ ܡܝܩܪܐ ܒܘܟܼܢܐ (ܥܘܡܪ ܥܘܬܡܐܢ)، ܡܕܒܪܢܐ ܕܫܝܢܐ ܕܥܢܟܒܐ، ܘܡܝܩܪܐ (ܗܝܡܢ ܥܘܡܪ ܪܫ)، ܡܕܒܪܢܐ ܕܦܝܕܬܐ ܕܥܢܟܒܐ، ܒܦܘܪܣܐ ܕܫܩܠܬܝܗܝ ܡܫܬܐܠܢܘܬܐ ܕܕܪܓܼܝܗܝ ܚܕ̈ܬܐ.
ܘܡܘܩܪܒܠܗܿ ܡܫܕܪܘܬܐ ܒܡܬܚܐ ܕܣܥܘܪܘܬܐ ܗܘܢܝ̈ܐ ܘܒܪ̈ܟܝܬܐ ܘܒܥܐܠܗܿ ܠܝܗܝ ܢܨܝܚܘܬܐ ܘܡܢܬܝܬܐ ܒܦܘܠܚܢܝ̈ܗܝ ܚܕ̈ܬܐ، ܘܫܘܪܪܠܗܘܢ ܥܠ ܐܢܢܩܝܘܬܐ ܕܚܝܠܢܬܐ ܕܥܘܕܪܢܐ ܡܫܘܬܦܐ ܠܬܫܡܫܬܐ ܕܒܢܝ̈ ܥܢܟܒܐ، ܘܢܛܪܬܐ ܕܫܝܢܗܿ ܘܝܪܬܘܬܗܿ، ܘܛܘܪܢܬܐ ܕܙܘܥܐ ܡܪܕܘܬܢܝܐ ܓܘܗܿ.
ܘܡܢ ܓܢ̄ܒܝܗܝ، ܡܘܥܒܪܗܘܢ ܒܘܟܼܢܐ (ܥܘܡܪ ܥܘܬܡܐܢ)، ܘܡܝܩܪܐ (ܗܝܡܢ ܥܘܡܪ ܪܫ) ܥܠ ܩܘܒܠܛܝܒܘܬܝܗܝ ܠܗܕ ܫܪܝܬܐ، ܘܡܛܘܝܡܢܗܘܢ ܓܪܐ ܕܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܘܒܝܬ ܥܬܝܩ̈ܬܐ ܕܝܪܬܘܬܐ ܣܘܪܝܝܬܐ ܒܢܛܪܬܐ ܕܝܪܬܘܬܐ ܡܪܕܘܬܢܝܬܐ ܘܚܝܠܢܬܐ ܕܐܣܘܪ̈ܐ ܟܢܘܫܝܝ̈ܐ.
