ܐܡܝܢܝܐܝܠܗ ܥܕܥܐܕܐ ܕܥܢܟܒܐ-ܐܟܝܬܘ، ܗܘ ܕܦܝܫ ܥܒܝܕܐ ܙܘܝܚܐ ܒܦܘܪܣܐ ܕܥܐܕ̈ܐ ܕܐܟܝܬܘ ܪܫܐ ܕܫܢ̄ܬܐ ܐܘܡܬܢܝܬܐ ܚܕܬܐ، ܗܘ ܡܛܟܣܠܗ ܒܐܡܐ ܕܥܕܥܐܕܐ ܕܥܢܟܒܐ، ܒܪܥܝܘܬ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܥܘܕܪܢ ܥܡ ܩܢܛܪܘܢ ܐܟܕܝܡܝܐ ܟܢܘܫܝܝܐ ܘܒܝܬ ܣܡܟܐ ܕܥܠܝܡ̈ܐ ܕܥܢܟܒܐ، ܥܒܘܕܘ̈ܬܗ ܥܠ ܓܢܢ̈ܐ ܕܩܢܛܪܘܢ ܐܟܕܝܡܝܐ ܟܢܘܫܝܝܐ ܓܘ ܥܢܟܒܐ.
ܘܚܒܫܠܗ ܝܘܡܐ ܕܚܡܫܒܫܒܐ، 3 ܢܝܣܢ 2025، ܥܒܘܕܘ̈ܬܐ ܐܡܢܝ̈ܐ ܘܡܪ̈ܕܘܬܢܝܐ ܡܫܚܠܦ̈ܐ ܓܠܝ ܝܘܪܬܢܢ ܘܡܪܕܘܬܢ ܫܪܫܝܬܐ، ܐܢܝ ܕܫܘܬܦܠܗܘܢ ܓܘܝܗܝ ܡܓܘܒܝ̈ܐ ܡܢ ܐܡܢ̈ܐ ܕܥܡܢ ܡܢܝܗܝ ( ܣܥܐܕ ܐܠܝܐܣ، ܪܘܡܝܠ ܗܘܪܡܙ، ܪܘܦܐܢ ܫܩܠܐܘܝ)، ܥܡ ܓܠܚ̈ܐ ܦܠܟܠܘܪ̈ܝܐ ܦܝܫܠܗܘܢ ܡܘܩܪܒܐ ܒܝܕ ܝܗܠܐ ܣܘܪܝܝܐ ܕܐܡܢ̈ܐ، ܢܩܝܦܐ ܠܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܩܠܝܡܐ ܕܟܘܪܕܣܬܢ.
ܘܦܝܫܠܗܘܢ ܡܛܝܒ̈ܐ ܠܥܕܥܐܕܐ ܐܡܝ̈ܐ ܡܢ ܒܢܝ̈ ܥܡܢ، ܒܐܐܪ̈ܐ ܙܘܝܚܝ̈ܐ ܦܪ̈ܝܫܐ، ܡܥܒܪܝ ܥܠ ܫܘܒܗܪܐ ܒܗܝܝܘܬܐ ܐܘܡܬܢܝܬܐ ܘܝܘܪܬܢܐ ܡܪܕܘܬܢܝܐ ܕܥܡܢ ܒܐܬܪܐ.
