ܣܘܩܒܠܗ ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܫܘܠܛܢܘܬܐ ܕܩܠܝܡܐ ܕܟܘܪܕܣܬܢ ܡܝܩܪܐ ” ܟܠܕܘ ܪܡܙܝ ܐܘܓܼܢܐ” ܒܒܢܝܢܐ ܕܡܕܒܪܢܘܬܐ ܒܪܘܣܬܩܐ ܕܥܢܟܒܐ، ܝܘܡ ܚܕܒܫܒܐ 7 ܟܢܘܢ ܬܪܝܢܐ 2024 ، ܐܡܢܐ “ܘܣܝܡ ܬܼܐܪ ܚܨܿܪ”، ܗܘ ܕܫܩܠܠܗ ܕܫܢܐ ܕ(ܐܡܢܐ ܘܥܝܕܐ) ܓܘ ܥܕܥܐܕܐ ܕܒܐܡܐ ܣܘܪܝܝܐ ܩܕܡܝܐ ܕܦܝܫܠܗ ܩܛܝܪܐ ܒܡܬܚܐ 14-16 ܟܢܘܢ ܩܕܡܝܐ ܥܒܝܪܐ.
ܘܦܝܫܠܗ ܥܒܝܕܬܐ ܒܬܦܩܬܐ، ܘܒܛܘܝܒܐ ܕܪܫ ܥܕܥܐܕܐ ܡܒܚܢܢܐ ܒܐܡܝܐ ܘܡܬܢܝܢܐ “ܨܒܐܚ ܗܘܪܡܙ ܐܠܫܐܢܝ”، ܡܝܩܪܢܘܬܐ ܕܥܠܝܡܐ “ܘܣܝܡ ܬܼܐܪ” ܒܕܘܪܥܐ ܕ(ܐܡܢܐ ܘܥܝܕܐ)، ܛܝܡܢܬܐ ܘܐܝܩܪܐ ܠܓܪܗ ܘܦܘܠܚܢܗ ܒܐܡܝܐ ܘܥܝܕܐ ܓܘ ܡܛܐܠܬܐ ܕ( ܡܝܡ) ܗܘ ܕܡܫܘܬܦܠܗ ܓܘܗܿ .
ܘܦܣܩ ܗ̄ܘܐܠܗܿ ܡܕܒܪܢܘܬܐ ܕܥܕܥܐܕܐ ܕܒܐܡܐ ܣܘܪܝܝܐ ܒܕܘܪܬܗ ܬܠܝܬܝܬܐ ܝܗ̄ܒܠܬܐ ܕܕܫܢܐ ܕܡܡܬܠܢܐ ܘܥܝܕܐ ܠ (ܘܣܝܡ ܬܼܐܪ ܚܨܿܪ) ܚܕܪ ܡܛܐܠܬܐ ܕ( ܡܝܡ) ܗܝ ܕܟܡ ܡܩܪܒܠܗ ܒܝܬ ܕܪܫܐ ܕܐܡܢ̈ܐ ܫܦܝܪ̈ܐ / ܩܪܩܘܫ، ܣܝܢܪܝܘ ܘܡܦܩܢܘܬܐ “ܘܝܣܐܡ ܢܘܚ ܦܛܪܘܣ” ، ܘܡܫܘܬܦܠܗ ܒܡܩܪܒܬܗܿ ( ܚܐܠܕ ܡܓ̰ܝܕ ، ܪܐܡܐ ܒܐܣܡ ܒܫܝܪ، ܘܣܝܡ ܬܼܐܪ ܚܨܿܪ) .
ܘܦܝܫ ܕܟܝܪܐ، ܕܥܕܥܐܕܐ ܕܒܐܡܐ ܣܘܪܝܝܐ ܒܕܘܪܬܗ ܩܕܡܝܬܐ ܫܘܪܐܗ̄ܘܐܠܗ ܒܪܘܣܬܩܐ ܕܥܢܟܒܐ، ܝܘܡ ܚܡܫܒܫܒܐ 14 ܟܢܘܢ ܩܕܡܝܐ2023 ، ܒܛܘܝܒܐ ܕܡܢܝܢܐ ܪܒܐ ܡܢ ܐܡܢ̈ܐ ܘܒܐܡܝ̈ܐ ܥܝܪ̈ܩܝܐ ܘܟܘܪ̈ܕܣܬܢܝܐ ܘܣܘܪ̈ܝܝܐ، ܒܐܘܢܐ ܕܟܢܘܫܬܐ ܕܡܪܕܘܬܐ ܟܠܕܝܬܐ ܒܥܢܟܒܐ.
