ܡܘܩܪܒܠܗܿ ܡܕܒܪܢܘܬܐ ܕܥܕܥܐܕܐ ܕ(ܥܢܟܒܐ ܟܪܝܣܡܣ) ܒܕܘܪܬܗܿ ܪܒܝܥܝܬܐ ، ܝܘܡ ܚܕܒܫܒܐ 4 ܐܝܪ 2025، ܡܘܗܒܝ̈ܬܐ ܡܠܝ̈ܐ ܠܙܒܢܐ ܕܬܘܩܢ̈ܐ ܕܢܣܟܬܐ ܠܡܢܝܢܐ ܡܢ ܡܕܪ̈ܫܝܬܐ ܫܘܠܛܢܝ̈ܐ ܒܪܘܣܬܩܐ ܕܥܢܟܒܐ ܒܗܘܦܪܟܝܐ ܕܐܪܒܝܠ، ܒܢܝܫܐ ܕܣܢܕܬܐ ܕܥܡܠܝܬܐ ܬܪܒܝܬܢܝܬܐ ܘܬܫܡܫܬܐ ܕܝܠܘܦ̈ܐ ܕܥܡܢ ܘܣܢܕܬܝܗܝ ܠܬܡܡܬܐ ܕܡܠܦܢܘܬܝܗܝ ܐܣܝܬܐ ܘܬܪܝܢܝܬܐ ܘܗܠ ܡܫܩܠܐ ܨܘܒܝܐ.
ܘܚܒܫܠܗܘܢ ܡܘܗܒܝ̈ܬܐ، ܡܩܪܒܬܐ ܕܣܢܕܬܐ ܡܠܝܬܐ ܠܡܢܝܢܐ ܡܢ ܡܕܒܪ̈ܢܘܬܐ ܕܡܕܪ̈ܫܝܬܐ ܫܘܠܛܢܝ̈ܐ ܓܘ ܥܢܟܒܐ، ܘܝܠܝܗܝ ܟܠ ܡܢ ( ܛܘܝܒܝܬܐ ܕܥܢܟܒܐ ܚܠܝܛܬܐ، ܛܘܝܒܬܐ ܕܐܟܝܬܘ ܕܒܢܘܢ̈ܐ، ܡܕܪܫܬܐ ܕܚܡܘܪܒܝ ܐܣܝܬܐ ، ܘܡܕܪܫܬܐ ܕܙܓܐ)، ܥܡ ܡܦܪܝܬܐ ܕܡܢܝܢܐ ܡܢ ܠܒܼܘܫ̈ܐ ܥܡܡܝ̈ܐ ܦܠܟܠܘܪ̈ܝܐ ܠܝܠܘܦ̈ܐ ܕܡܕܪܫܬܐ ܕܚܕܝܒ ܐܣܝܬܐ ܘܡܕܪܫܬܐ ܕܐܪܒܥ̄ܐܝܠܘ ܣܘܪܝܝܬܐ ܘܠܡܕܒܪܢܘܬܐ ܕܒܝܬ ܥܬܝܩ̈ܬܐ ܕܝܪܬܘܬܐ ܣܘܪܝܝܬܐ ܢܩܝܦܬܐ ܠܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ.
ܘܐ̄ܬܝܠܗܿ ܣܦܝܬܐ ܕܡܘܗܒܝ̈ܬܐ ܒܚܘܬܡܐ ܕܣܩܒܠܬܐ ܕܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܡܝܩܪܐ (ܟܠܕܘ ܪܡܙܝ ܐܘܓܼܢܐ)، ܠܡܕܒܪ̈ܢܐ ܘܗܕܡ̈ܐ ܕܓܘܫܡܐ ܡܕܪ̈ܫܬܢܝܐ ܕܡܕܪ̈ܫܝܬܐ ܚܒܼܘܫ̈ܐ ܒܡܘܗܒܝ̈ܬܐ، ܓܘ ܒܢܝܢܐ ܕܡܕܒܪܢܘܬܐ ܒܪܘܣܬܩܐ ܕܥܢܟܒܐ ܓܘ ܐܪܒܝܠ .
ܘܦܝܫ ܕܟܝܪܐ، ܕܥܕܥܐܕܐ ܕܥܢܟܒܐ ܟܪܝܣܡܣ ܒܕܘܪܬܗ ܪܒܝܥܝܬܐ ܚܬܡܠܗ ܥܒܘܕܘ̈ܬܗ ܒܣܝܩܘܡ 4 ܟܢܘܢ ܬܪܝܢܐ 2025، ܗܘ ܕܟܡ ܛܟܣܠܗ ܒܐܡܐ ܕܥܕܥܐܕܐ ܕܥܢܟܒܐ ܒܪܥܝܘܬ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ، ܒܥܘܕܪܢ ܥܡ ܩܢܛܪܘܢ ܐܟܕܝܡܝܐ ܟܢܘܫܝܝܐ ܘܒܝܬ ܣܡܟܐ ܕܥܠܝܡ̈ܐ ܕܥܢܟܒܐ ܟܢܘܫܝܝܐ.
