ܡܘܩܪܒܠܗܿ ܡܕܒܪܢܘܬܐ ܕܥܕܥܐܕܐ ܕ(ܥܢܟܒܐ ܟܪܝܣܡܣ) ܒܢܘܣܟܗ ܪܒܝܥܝܐ، ܝܘܡ ܚܕܒܫܒܐ 23 ܫܒܛ 2025، ܡܘܗܒܬܐ ܠܙܒܢܐ ܕܬܘܩܢ̈ܐ ܕܢܣܟܬܐ ܠܡܕܪܫܬܐ ܕܚܕܝܒ ܐܣܝܬܐ ܓܘ ܥܢܟܒܐ، ܒܬܪ ܒܘܫ ܒܨܘܪܐ ܡܢ ܚܕ ܫܒܘܥܐ ܥܠ ܪܥܝܘܬܗܿ ܠܚܘܪ̈ܩܢܐ ܕܫܪܝܬܐ ܕܡܩܪܒܬܐ ܕܡܘܗܒܬܐ ܕܪܫܝܬܐ ܡܓܢܝܬܐ ܠ(10) ܡܢ ܒܢܝ̈ ܥܡܢ ܠܬܡܡܬܐ ܕܕܪܫܬܝܗܝ ܓܘ ܒܝܬ ܨܘܒܐ ܩܬܘܠܝܩܝܐ ܒܐܪܒܝܠ.
ܘܟܐܬܝܐ ܗܕ ܦܣܘܥܬܐ، ܠܣܢܕܬܐ ܕܥܡܠܝܬܐ ܬܪܒܝܬܢܝܬܐ ܘܠܬܫܡܫܬܐ ܕܝܠܘܦ̈ܐ ܕܥܡܢ ܘܣܢܕܬܝܗܝ ܠܬܡܡܬܐ ܕܡܠܦܢܘܬܝܗܝ ܐܣܝܬܐ ܘܬܪܝܢܝܬܐ ܘܗܠ ܕܡܛܝ ܠܡܫܩܠܐ ܨܘܒܝܐ.
ܘܦܝܫ ܕܟܝܪܐ، ܕܥܕܥܐܕܐ ܕܥܢܟܒܐ ܟܪܝܣܡܣ ܒܢܘܣܟܗ ܪܒܝܥܝܐ ܗܘ ܕܦܝܫܠܗܘܢ ܚܬܝܡܐ ܥܒܘܕܘ̈ܬܗ ܒܣܝܩܘܡ 4 ܟܢܘܢ ܬܪܝܢܐ 2025، ܗܘ ܕܟܡ ܛܟܣܠܗ ܒܐܡܐ ܕܥܕܥܐܕܐ ܕܥܢܟܒܐ ܒܪܥܝܘܬ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ، ܒܥܘܕܪܢ ܥܡ ܩܢܛܪܘܢ ܐܟܕܝܡܝܐ ܟܢܘܫܝܝܐ ܘܒܝܬ ܣܡܟܐ ܕܥܠܝܡ̈ܐ ܕܥܢܟܒܐ ܟܢܘܫܝܝܐ.
