ܕܪܫܠܗ ܝܠܘܦܐ “ܡܘܬܼܢܢܐ ܡܚܡܘܕ ܚܣܝܢ ܣܐܝܪ”، ܝܘܡ ܚܕܒܫܒܐ 30 ܚܙܝܪܢ 2024، ܐܓܪܬܗ ܠܫܩܠܬܐ ܕܣܗܕܘܬܐ ܕܡܓ̰ܣܬܝܪ ܒܫܡܐ ܕ”ܦܓܼܪܐ ܓܘ ܡܚܪܐ ܕ”ܙܘܗܝܪ ܒܗܢܐܡ ܒܘܪܕܐ” ، ܓܘ ܐܘܢܐ ܕܠܘܡܕ̈ܐ ܓܘ ܟܠܢܝܘܬ ܬܪܒܝܬܐ ܠܝܘܠܦܢ̈ܐ ܐܣܝ̈ܐ ܒܒܝܬ ܨܘܒܐ ܕܚܡܕܢܝܼܐ.
ܘܚܒܫܠܗܿ ܣܝܥܬܐ ܕܕܘܪܫܐ ܗܝ ܝܗ̄ܘܐ ܒܪܫܢܘܬܐ ܕܡܠܦܢܐ ܕܟܬܘܪ ” ܚܠܝܠ ܫܟܪܝ ܗܝܐܣ”، ܥܡ ܡܠܦܢܐ ܕܟܬܘܪ “ܡܚܡܘܕ ܥܐܝܕ ܥܛܝܐ” ، ܘܕܟܬܘܪ “ܦܪܚ ܐܕܘܪ ܚܢܐ”، ܘܚܝܘܪܐ ܥܠ ܒܨܘܝܐ ܝܗ̄ܘܐ ܡܠܦܢܐ ܕܟܬܘܪ “ܥܡܐܪ ܐܚܡܕ ܥܒܕ ܐܠܒܐܩܝ”.
ܘܦܝܫܠܗܘܢ ܡܛܝܒ̈ܐ ܠܕܘܪܫܐ ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܡܝܩܪܐ”ܟܠܕܘ ܪܡܙܝ ܐܘܓܼܢܐ”، ܘ ܡܫܕܪܘܬܐ ܡܢ ܚܘܝܕܐ ܕܣܦܪ̈ܐ ܘܣܝܘܡ̈ܐ ܣܘܪ̈ܝܝܐ، ܒܝܬܘܬܐ ܘܚܒܼܪ̈ܐ ܕܡܢܚܐ “ܙܘܗܝܪ ܒܗܢܐܡ ܒܘܪܕܐ”، ܥܡ ܟܢܫܐ ܡܢ ܝܨܘܦ̈ܐ ܒܣܦܪܘܬܐ ܥܪܒܝܬܐ ܘܥܝܪܩܝܬܐ.
